首頁 即時娛樂

【頭條獨家】跟女神周秀娜合作有驚喜 黃德斌自謙要向姜濤學習

21/01/2021 19:00:00
德斌早前首度與ViuTV合作劇集《太平紋身店》。
德斌早前首度與ViuTV合作劇集《太平紋身店》。

剛獲ViuTV邀請拍攝港版《大叔的愛》的黃德斌,之前已首度與ViuTV合作劇集《太平紋身店》,飾演曾經叱吒江湖的街主「葉蓋天」,有型的斑白頭髮配滿臉鬍鬚造型,但原來有苦自己知。由於該劇在疫情下拍攝,令進度大受影響,不過德斌開心跟全新班底合作,笑言似青春劇一樣有活力,更大讚跟女神周秀娜合作有驚喜,仲笑指要向演其囝囝的姜濤好好學習。 撰文:杜淑霞 攝影:李維隆 髮型:[email protected] Hair Culture 服飾:HOKA

德斌已離開TVB近3年,好適應外面的工作環境。
德斌已離開TVB近3年,好適應外面的工作環境。
德斌為飾演的太平街街主「葉蓋天」,要黐滿一面鬍鬚。
德斌為飾演的太平街街主「葉蓋天」,要黐滿一面鬍鬚。

首度跟ViuTV合作,德斌感覺似拍電影,休息時間更加充足,「係會好好多嘅,演員都係需要有時間去休息嘅,要去恢復個狀態先會好啲。」雖然今次角色比較沉重,但德斌覺得拍攝過程相當愉快,「因為有新鮮感,個個都係未合作過,基本上係同一班年青人去拍劇,我感覺好似一套青春劇咁,我仲可以拍青春劇喎!?係咪有回春嘅效果?梗係有啦,係啲年青人身上都有嘢學㗎嘛!」

德斌劇中與姜濤演兩父子,他笑言要向對方學習做偶像。
德斌劇中與姜濤演兩父子,他笑言要向對方學習做偶像。
德斌與姜濤劇中有不少感情戲,仲會生離死別。
德斌與姜濤劇中有不少感情戲,仲會生離死別。

恨到滿面鬍鬚
講到最年青,肯定是飾演德斌囝囝的姜濤,他更笑言要向這位新偶像學習,「佢OK嘅,犀利嘅,佢成為新偶像都唔係一朝一日嘅,佢都OK乖,我又唔覺得佢怯我喎!反而係我怯,佢一嚟就有幾十人跟住我都未試過,嘩!好耐都冇試過咁嘅情況啦!偶像!偶像!真係要跟佢學嘢,佢啲粉絲仲畀嘢我飲,梗係啦!佢哋驚我恰佢呀嘛,哈哈哈!第一次有咁大個仔感覺梗係正啦,嘩!萬人迷喎!一生出來就做偶像你話幾好,唔使煩,幾多人照顧佢先得㗎!」至於跟周秀娜合作,德斌亦讚不絕口,「女神即係女神,佢幾爽直嘅,佢唔係話要成日補妝嗰啲,有少少男仔頭𠻹!佢唔使話等佢又要整呢樣整嗰樣,好快可以埋位做嘢。」

不過,今次拍攝亦有令德斌受了不少皮肉苦,就是滿面鬍鬚的造型,「日日都要黐,又要落妝,每日黐住10幾個鐘,啲膠水甩又要成日補,搞到食飯都唔想食咁滯,但係個效果出嚟OK嘅,我都唔知幾想有(咁多鬍)呀!我恨咗咁多年,終於畀我恨到啦!」

德斌很欣賞娜姐的爽直性格,跟對方合作感覺舒服。
德斌很欣賞娜姐的爽直性格,跟對方合作感覺舒服。
德斌近年跟發哥學跑山後迷上,靠這運動長期維持住150多磅。
德斌近年跟發哥學跑山後迷上,靠這運動長期維持住150多磅。
其他文章
hd