首頁 即時娛樂

【頭條獨家】感激Tank做阿四支持 《造星III》方方望學識做主角

21/01/2021 18:00:00
在《造星III》十強止步的方方盼學識做主角,試吓拍劇或演舞台劇。
在《造星III》十強止步的方方盼學識做主角,試吓拍劇或演舞台劇。

方方(方芷欣)參加《全民造星III》雖然十強止步,但全程表現落力,最後演出《666》絕對令人眼前一亮,她坦言多得有過兩屆《造星》經驗的男友Tank(梁德忠)做埋阿四貼身支持。不過舞蹈員出身的方方坦承仲未慣做主角,未來會努力學習適應,更想跟Tank情侶檔拍真人騷。而努力走演員路的Tank,除在ViuTV新劇《太平紋身店》演出外,正籌備開網台,連幕後都撈埋。 撰文:杜淑霞 攝影:譚壹致 場地:Dancebeat studio

方方話依然好享受做舞蹈員,就算會參與其他幕前工作仍不會放棄。
方方話依然好享受做舞蹈員,就算會參與其他幕前工作仍不會放棄。
方方好感激參賽以來Tank的付出,「我嗰排真係當佢透明㗎!」
方方好感激參賽以來Tank的付出,「我嗰排真係當佢透明㗎!」

方方在爭入十強的演出《666》時,獲得評判和觀眾一致激讚,她認為已對自己有交待,輸給Kimman(黃劍文)好合理。不過,外界會奇怪她竟然不找Tank伴舞,他們解釋除因時間太趕,找排舞師做拍檔最安全,方方還透露內情,「我同佢跳會投入唔到,我望住佢諗唔到家暴好慘。(Tank:冇嗰個畫面)入唔到戲呀!」

方方參賽另一收獲是重遇導師彭秀慧,以及結識到一班「B3」的組員。
方方參賽另一收獲是重遇導師彭秀慧,以及結識到一班「B3」的組員。
方方雖然輸給Kimman十強止步,依然出任對方總決賽表演嘉賓。
方方雖然輸給Kimman十強止步,依然出任對方總決賽表演嘉賓。

情侶檔拍真人騷
難怪方方有此想法,因Tank除了極力鼓勵她參賽攞經驗外,更全程充當專屬阿四,執屋、洗衫、接送,最重要還有心理輔導,「佢係好好嘅伴、聆聽者、分析員,我當中有啲低落情緒,佢好了解我哋發生緊咩事,調番轉佢當時比賽嘅時候,我唔係好明白佢,但係佢身為一個過來人去睇我,陪伴我嘅時候,佢可以做到好多舒解我壓力嘅嘢。」Tank說:「幫佢打多幾支強心針,我做到係咁多。」講到未來發展,方方坦承仲未學識做主角,「我唔慣做主角,調整冇咁快,反而完咗比賽可以思考嘅一個地方。跳舞之外,都想試吓劇集或者舞台劇,唱歌要再學多啲,會擴濶自己表演嘅能力。」她更想跟Tank一齊拍真人騷,「我好鍾意情侶去歷險嗰啲,如果我同佢一齊去玩應該幾開心。(Tank:觀眾應該會見唔到我哋sweet,會打交!)」

至於Tank除了努力學戲,最近還撈埋幕後,「同幕前幕後嘅朋友一齊搞緊個Channel,最想拍屬於我哋嘅劇集同綜藝,似一個免費嘅電視台擺上網,係個好大project,自己都會做埋幕後,學緊剪片。會邀請佢(方方)做嘉賓,佢好適合綜藝,了解多啲其實佢好低能。」

去年《造星II》總決賽,Tank邀請方方伴舞,方方坦承若打入十強會照辦煮碗請Tank幫手,現打算拍片圓夢。
去年《造星II》總決賽,Tank邀請方方伴舞,方方坦承若打入十強會照辦煮碗請Tank幫手,現打算拍片圓夢。
Tank在《太平紋身店》演古惑仔頭目「龍吐珠」,跟黃德斌有不少對手戲。
Tank在《太平紋身店》演古惑仔頭目「龍吐珠」,跟黃德斌有不少對手戲。
其他文章
hd