首頁 即時娛樂

以身為小儀擋狗 林奕匡自認「微暖」為愛妻製造驚喜

22/01/2021 14:15:00
Phil早前上節目《小儀與13型男》,擔任小儀的約會對象。
Phil早前上節目《小儀與13型男》,擔任小儀的約會對象。

林奕匡(Phil)早前為阮小儀主持的香港開電視節目《小儀與13型男》擔任約會對象,節目中,Phil帶小儀到「毛孩守護者」做義工,二人一起洗狗籠、拖地及帶狗散步,其間小儀在餵狗食零食時,突然被毛小孩「胸襲」,幸有Phil即時以身驅為她擋住狗隻,小儀也不禁讚對方:「Phil冇100分,都有99分嘅暖男。」又認為「暖男」是外表予人溫柔,像棉花般令人舒服的感覺,她續道:「佢同我擋住啲狗、保護住我,其實佢都奀挑挑,論身形橫度,我仲橫過佢,但佢用身體保護住我,令我覺得好Warm。」

小儀讚Phil冇100分,都係有99分的暖男。
小儀讚Phil冇100分,都係有99分的暖男。
Phil帶小儀到「毛孩守護者」做義工。
Phil帶小儀到「毛孩守護者」做義工。

問到是否常獲讚是暖男?Phil笑說:「大部分人都唔會刻意咁講我,但我覺得自己都有少少體貼,亦都會為對方諗好多嘢,不過仲有好多進步空間嘅,唔敢話自己係暖男,但都應該係『微暖』啦。」那麼平日對太太李靄璣(Rikko)是否同樣窩心?他甜絲絲表示:「未必每日都做到,但自己會花時間、心機去畀驚喜對方,驚喜呢啲嘢係有來有往。」回想未紅時,見電器舖成排電視都在直播Rikko講股票,對方連搭的士都俾人認出,Phil自言從沒自卑感,也不介意Rikko事業較順利,反而更為她感到自豪。

小儀在餵狗食零食時,突然被毛小孩「胸襲」。
小儀在餵狗食零食時,突然被毛小孩「胸襲」。
Phil即以身驅為小儀擋住狗隻。
Phil即以身驅為小儀擋住狗隻。

不過Phil又直言曾因事業問題,差點令到二人分開,他說:「2013年有計劃出多次碟,有機會係最後一次,但佢都擔心我哋嘅將來,始終佢係一個女仔,需要幸福,嗰時佢同我講,要時間考慮應唔應該繼續一齊,我當時同佢講『你估我唔想你幸福咩?就算我係咪你另一半,我都希望你快樂,但我一無所有,我最珍貴嘅就係你』。」分開的第二日,Phil將《Don't You Remember》的歌詞電郵給對方,憑歌寄意盼Rikko能找回大家失去的感情碎片,再走到一起,Phil指自己每次說到這裏也會流眼淚,「你估我唔想,畀到幸福你嗰個係我咩!」最終二人克服難關,拉埋天窗。

其他文章
hd