首頁 即時娛樂

【頭條獨家】為火爆壞男孩形象平反 林師傑喊住多謝老婆完全信任

22/01/2021 23:00:00
師傑為自己的火爆壞男孩形象平反,訪問期間仲講到流下男兒淚。
師傑為自己的火爆壞男孩形象平反,訪問期間仲講到流下男兒淚。

出身於09年《超級巨聲》的林師傑,去年中宣布跟TVB提早解約,盛傳受太太歐陽巧瑩政見所累而遭冷待,當時他公開寸舊公司給予「恩賜」,要求轉簽一年保證有1.2萬收入的6騷合約。目前,師傑以獨立歌手身份重新出發,談到歌曲《尊悲不分》,「好多人掛住好嬲嗰個林師傑,覺得第一步出嚟應該畀人Feel到我團火,但我最想人知道我有沉思,係飲水思源嘅人。」他為火爆形象大平反之餘,又感激一班前公司高層如何哲圖等的栽培。撰文:黎寶倫攝影:張詠森服裝:尺度Rule Crossing Man場地:Kura Teppan + Sake Bar

講到一早獲歐陽巧瑩認定為一個好爸爸,師傑即感觸爆喊。
講到一早獲歐陽巧瑩認定為一個好爸爸,師傑即感觸爆喊。
形象花弗的師傑稱對酒精敏感,根本唔愛蒲。
形象花弗的師傑稱對酒精敏感,根本唔愛蒲。

回想加盟「星夢娛樂」的5年間,林師傑只能唱公司安排的歌而且反應一般,令他覺得前路茫茫,當要被迫轉約時決定離開,「最唔開心係畀人覺得我尖銳,我都冇得揀,憤世嗰個竟然係我?有唔舒服,但現實係咁殘酷。」提到早年傳向高層舉中指又一腳踏幾船,予人反叛形象的師傑即喊冤,自言對酒精敏感亦唔愛夜蒲,「一張蒲嘅相都冇俾人影過,何來極曳?每次寫歌我都係澄清一啲嘢,但發現樂迷未必Feel到我諗咩,因為自己嘅音樂都係迎合人哋,我想搣走呢樣嘢,平衡番自己。」

師傑欣賞歐陽巧瑩的孝順、細個已追求自己生活模式。
師傑欣賞歐陽巧瑩的孝順、細個已追求自己生活模式。
除忙於音樂創作外,師傑稱現要照顧埋太太三餐。
除忙於音樂創作外,師傑稱現要照顧埋太太三餐。

離巢後獲太太全力支持,令師傑更有動力打拼,「佢係我老婆、最好嘅朋友,亦係人生數一數二好欣賞、敬重嘅人,喺我未睇清自己嘅時候,佢已清楚睇到我會成為一個好爸爸,好感動,佢竟然會諗到咁長遠,我都冇諗到自己會結婚,令我對人生好有憧憬。」語畢他即哽咽,問自幼四處漂泊的他可覺泊到「好碼頭」?14年傳被舊愛鄧穎芝撞破跟𡃁模車震的師傑喊着續道:「佢畀到好大信心我,佢同我一齊嗰陣爆車震新聞,一張相都冇,佢都決定信我!」問到幾時生B?他稱努力中,但生活太多壓力,一切隨緣!

離巢後,師傑早前接受ViuTV節目《Chill Club》訪問。
離巢後,師傑早前接受ViuTV節目《Chill Club》訪問。
師傑以獨立歌手身份重新出發,早前推出歌曲《尊悲不分》。
師傑以獨立歌手身份重新出發,早前推出歌曲《尊悲不分》。
新歌《Stars》講家人共處,師傑哽咽指與媽咪停留在「Shall we talk」階段。
新歌《Stars》講家人共處,師傑哽咽指與媽咪停留在「Shall we talk」階段。
開設製作公司後,明白到幕後工作流程的師傑終放下執著。
開設製作公司後,明白到幕後工作流程的師傑終放下執著。
其他文章
hd