首頁 即時娛樂

【頭條獨家】「TVB最索丫鬟」離巢做網紅 陳婉婷直播吹水月賺萬元唔後悔

22/01/2021 22:00:00
「TVB最索丫鬟」陳婉婷轉做直播,月賺萬多元只能維持基本生活。
「TVB最索丫鬟」陳婉婷轉做直播,月賺萬多元只能維持基本生活。

因為黃心穎,TVB劇集《堅離地愛堅離地》存倉3年先可以重見天日。劇中飾演女僕,入行十年,身高5呎3吋,腿長38吋,有「最索丫鬟」之稱嘅陳婉婷(Hebe)獲網民讚可愛,不過觀眾暫時都唔會再喺TVB見到佢,事關佢喺19年已離巢外闖,「離開都係想出去闖吓,唔想再做妹仔、姣精、宮女、婢女等花瓶!」因為疫情嚴重影響收入,Hebe被迫做網紅靠直播自救,但佢話從冇後悔離開大台。採訪:方騫平 攝影:譚壹致 場地:南瀛水產



生活艱難 疫情下好多廣告Job唔係取消就延期,Hebe收入大減,生活好艱難。
生活艱難 疫情下好多廣告Job唔係取消就延期,Hebe收入大減,生活好艱難。
吹水賺錢

疫情下被迫轉投直播行列自救,月賺微薄收入只夠維持生活基本開支。
吹水賺錢 疫情下被迫轉投直播行列自救,月賺微薄收入只夠維持生活基本開支。

陳婉婷喺《堅離地愛堅離地》演網紅Carman,並以女僕裝示人,有場戲指導黃心穎點樣去擺甫士再發嗲功電男人,但戲中嘅心穎搞唔掂:「《宮心計2深宮計》後第二次同黃心穎合作,好彩佢哋都好信任我,知我做咗好多功課,為咗演好女僕角色,我真係有去女僕Cafe幫襯,學佢哋每次放低食物都會唸魔法咒語,見到客人又會用日文講『主人』、『歡迎主人返嚟』等。」Hebe眼中,黃心穎為人爽朗,好Nice,容易同人混熟:「因為同場全部都係女仔,所以唔覺佢好嗲。」


內外兼備 陳婉婷細細粒,有樣有身材,有唔少男Fans追捧㗎。
內外兼備 陳婉婷細細粒,有樣有身材,有唔少男Fans追捧㗎。
贏咗心穎

陳婉婷(左)跟《愛.回家》葉蒨文(右)喺劇集《堅離地》中穿上女僕裝,較形象插水嘅黃心穎更被關注。
贏咗心穎 陳婉婷(左)跟《愛.回家》葉蒨文(右)喺劇集《堅離地》中穿上女僕裝,較形象插水嘅黃心穎更被關注。

直播網民叫除衫

Hebe冇咗大台做靠山,疫情初期收入大受影響,被迫轉投直播行列自救:「收入全靠觀眾打賞,我好『孤寒』唔會性感現身,又唔會當佢哋係『水魚』係咁撳禮物,而係透過直播交流,觀眾發覺我真係好鍾意做戲,好想幫我維持生活,實現夢想。」雖然有知名度,但Hebe坦言藝人做直播難過素人,「除咗有『說話』聽,好多觀眾覺得藝人咁巴閉唔使送禮物啦,最初由零晨12點開到朝早9點,通宵直播都冇人睇。試過有網友要求我除衫,或者鬧我係醜樣阿嬸,甚至有個控制狂,送完禮物要求我做直播陪到佢瞓著為止,同埋唱一啲我唔識唱嘅歌,當我踢走佢之後,佢再開新帳戶入嚟投訴我,開直播攰到燥燥哋,畀人咁鬧真心嬲。」

最差月入幾百蚊

陳婉婷自爆月入有萬幾蚊已經好多,慳住用都可以維持到基本生活開支,最差時連一千蚊都冇:「本身想搬出嚟獨居都要撻訂,不過,我又冇後悔當初離開舒適圈,因為我想試多啲唔同嘅嘢。𠵱家係自由身,同ViuTV以部頭形式合作,農曆新年會播出真人Show《家務戰場》。另外,排緊期上映嘅電影《黑水界》首當女主角,片中有突破性演出,係挑戰全祼沖涼戲,不過,鏡頭前只見側身,基本上乜都睇唔到,最吸引反而係個角色好陰沉,有好多內心戲發揮,我怕做唔到,拍攝前個幾月都唔接job,匿喺屋企入戲。」

的的骰骰 Hebe三圍32B、25、34,穿上泳衣都好有睇頭。
的的骰骰 Hebe三圍32B、25、34,穿上泳衣都好有睇頭。
心穎好爽

Hebe同黃心穎合作咗兩次,覺得心穎性格爽朗,好易同人混熟。
心穎好爽 Hebe同黃心穎合作咗兩次,覺得心穎性格爽朗,好易同人混熟。
最靚侍婢 陳婉婷於15年劇集《刀下留人》中飾演邵美琪侍婢而開始受關注。
最靚侍婢 陳婉婷於15年劇集《刀下留人》中飾演邵美琪侍婢而開始受關注。
病住出浴

陳婉婷喺《宮心計2深宮計》中飾演「女史」一角,當時佢係抱病演出出浴鏡頭。
病住出浴 陳婉婷喺《宮心計2深宮計》中飾演「女史」一角,當時佢係抱病演出出浴鏡頭。
首做女一 跟李日朗、張松枝合拍新片《黑水界》,首當女一嘅Hebe仲會挑戰全祼演出。
首做女一 跟李日朗、張松枝合拍新片《黑水界》,首當女一嘅Hebe仲會挑戰全祼演出。
部頭合作

離開大台後,陳婉婷同ViuTV以部頭形式合作,之前同余香凝齊拍劇集《地產仔》。
部頭合作 離開大台後,陳婉婷同ViuTV以部頭形式合作,之前同余香凝齊拍劇集《地產仔》。
其他文章
hd