首頁 即時娛樂

35歲生日報喜佗B八個月 劉倩婷晒李丞責操刀大肚靚相

24/01/2021 17:07:00
劉倩婷趁牛一公開大肚相宣佈懷孕8個月。
劉倩婷趁牛一公開大肚相宣佈懷孕8個月。

去年10月,本報已獨家報道著名堪輿學家李丞責博士如願以償,跟結婚8年,09年港姐冠軍劉倩婷(Sandy)追牛B成功,本報更曾拍攝到Sandy在李博士陪同下現身公開活動,穿平底鞋的李太明顯肚凸凸,目測已佗B五個月。今日是李太的35歲生日,壽星靚媽趁機貼出大肚靚相公佈佗B八個月的喜訊,大肚相意境好高,相中的Sandy肥肚唔肥身,手腳纖幼,面仔仍然好尖,絕對係靚靚大肚婆。撰文:廖思慧

老公李博士鏡頭下的老婆。
老公李博士鏡頭下的老婆。
李太笑言老公影相技術係咁上下。
李太笑言老公影相技術係咁上下。


記者忍唔住致電Sandy恭喜,聽畢恭喜說話,靚靚大肚婆笑唔停,並開心分享再佗B及過生日的喜悅。因為交遊廣闊,好多朋友都跟Sandy慶祝生日,包括樂小姐、朱千雪、蘇永康太太Anita、汪詩詩、汪圓圓及關心妍等。「朱千雪好忙,但佢都抽時間同我去酒店食Lunch慶祝。」因為Sandy的4歲囡囡李仟辰(Eldora)同關心妍囡囡楊榮心(Jovia)係同學,所以一眾同學媽媽亦有約Sandy到其中一個同學屋企慶祝,「疫情關係好難得先可以聚一聚,啲家長都好有心機,用好多汽球佈置,好靚好開心。」雖然疫情影響唔可以大肆慶祝生日,但Sandy笑言收咗超過20個生日蛋糕。

李太表示第二胎佗得好輕鬆。
李太表示第二胎佗得好輕鬆。
劉倩婷指老公好期待再做爸爸。
劉倩婷指老公好期待再做爸爸。


上周五,本報拍攝到李博士買花買酒同老婆慶生,當時李博士仲笑笑口話會親自下廚煮生日餐賀老婆。問到好口福的Sandy最終生日餐食咗乜?「都係啲養肚嘅食物,增加骨膠原,好似鮑魚、花膠同好多海鮮,我媽媽都有份食。」因為太開心,所以Sandy都有淺嚐幾啖靚酒。問到再佗B感覺?Sandy坦言較第一胎輕鬆,「舒服過第一胎,好享受呢次佗B過程,不過因為疫情都會緊張。」Sandy又笑言肚中BB係運動型,「係咁郁,好似喺入面做瑜伽咁。」而姐姐仟辰亦好期待BB出世,「佢好開心,未感受到佢有呷醋感覺,仲成日會錫我個肚,又會聽吓個肚入面啲水聲。」


至於一直好恨再做爸爸的李博士心情?Sandy笑得更大聲,「佢求咗我好耐,終於成功,佢當然係好期待。」Sandy還指李博士攝影癮大發,不斷同佢影大肚相留念,「啲相佢盡咗力㗎嘞。」問到腹中BB性別?Sandy笑言未講得住,言談間笑聲滿載相當快樂。

除咗下廚煮生日骨膠原晚宴,李博士亦有帶老婆食生日Lunch。
除咗下廚煮生日骨膠原晚宴,李博士亦有帶老婆食生日Lunch。
李博士親自下廚的生日晚宴有鮑魚。
李博士親自下廚的生日晚宴有鮑魚。
亦有大大塊靚花膠。
亦有大大塊靚花膠。
蒜蓉粉絲蒸貴妃蚌。
蒜蓉粉絲蒸貴妃蚌。
膠質豐富的花膠。
膠質豐富的花膠。
豉汁蒸鱔。
豉汁蒸鱔。
Sandy透露囡囡送咗生日歌畀佢,同埋寫滿I Love You 媽咪字句嘅生日咭。
Sandy透露囡囡送咗生日歌畀佢,同埋寫滿I Love You 媽咪字句嘅生日咭。
劉倩婷同關心妍因為囡囡關係結緣,疫情前經常有聚會。
劉倩婷同關心妍因為囡囡關係結緣,疫情前經常有聚會。
朱千雪百忙中抽空同老友慶生。
朱千雪百忙中抽空同老友慶生。
蘇永康太太Anita、汪詩詩、汪圓圓等亦有同李太慶牛一。
蘇永康太太Anita、汪詩詩、汪圓圓等亦有同李太慶牛一。
樂小姐及楊明。
樂小姐及楊明。
其他文章
hd