首頁 即時娛樂

【頭條獨家】露腰兼巨窿褲行街唔怕凍親 17歲沈日帶老友去老竇鋪買衫

24/01/2021 21:00:00
沈月似邱淑貞,而沈日就同老竇餅印一樣。
沈月似邱淑貞,而沈日就同老竇餅印一樣。

邱淑貞有個被譽為「最索星二代」的餅印大女沈月,雖然得19歲但已在倫敦時裝周行過Catwalk又上過時裝雜誌封面,甚至為老竇代理嘅潮牌做生招牌,由細到大都備受關注。相反,以學業為重的17歲胞妹沈日就低調得多,早排連IG都刪剩一個Po。《頭條日報》記者早前於銅鑼灣撞到沈日,一向有Baby fat的她愈大愈識打扮,當日着露腰兼巨窿褲陪朋友去老竇鋪買衫,雖然十多度涼涼地但為咗靚唔怕啦!採訪:梁志明

沈日以一身「全牛Look」晒腰露腿去行街。
沈日以一身「全牛Look」晒腰露腿去行街。
沈日帶朋友仔去OFF-WHITE專門店睇衫。
沈日帶朋友仔去OFF-WHITE專門店睇衫。


童年沈日留短髮又鍾意男仔頭打扮,踏入青春期就一改風格,留長髮兼成日着背心、短裙仔,滲出濃濃少女味。早前約傍晚6點,沈日與閨密現身百德新街逛潮店,當日一身「華Dee全牛Look」的她,以白色Crop-Tee打底晒小蠻腰,下身穿巨窿Boyfriend Jeans就若隱若現露出纖幼大腿,打扮愈嚟愈有星味,紮起All back高馬尾的她雖然戴住口罩,但眼仔圓碌碌,一眼就認到係90年代女神邱淑貞個二公主。

朋友拎出手機向店員詢問有冇貨,在旁的沈日發現記者在場。
朋友拎出手機向店員詢問有冇貨,在旁的沈日發現記者在場。
朋友與男友仔在街頭攬攬,沈日旋即變電燈膽。
朋友與男友仔在街頭攬攬,沈日旋即變電燈膽。

行一陣就買到嘢

去到百德新街,身為I.T太子女的沈日梗要帶Friend落老竇代理的潮鋪「巡」吓,只見兩人去咗Acne Studios睇衫,睇咗一陣已揀啱心水,話咁快就入手大袋戰利品,之後再去到OFF-WHITE睇衫。甫進店,朋友仔即向店員展示手機中的圖片,詢問有冇其心頭好,估計店內剛好冇貨,職員即拎出iPad向她們介紹其他新裝。結果兜了10分鐘都係冇收穫,離開該店後,沈日Join埋閨密的男友在街頭吹水,見一對小情侶搭膊兼攬攬,頓成「電燈膽」的她即低頭撳手機,之後3人齊登上坐駕離開。

黑黑實實的沈日一向鍾意鬼妹仔式打扮。
黑黑實實的沈日一向鍾意鬼妹仔式打扮。
邱淑貞兩個女沈月(左)和沈日(右)經常被外界拿作比較。
邱淑貞兩個女沈月(左)和沈日(右)經常被外界拿作比較。
邱淑貞一家去睇張學友演唱會。
邱淑貞一家去睇張學友演唱會。
其他文章
hd