首頁 即時娛樂

【頭條獨家】《造星III》囝囝成搶手貨 Ben CY KLAU未簽ViuTV慢慢揀

24/01/2021 21:02:00
《造星III》爆紅令一班囝囝變成搶手貨,冠軍Ben和「十強」的CY、KLAU仲未簽畀ViuTV,仲話想睇定啲慢慢揀。
《造星III》爆紅令一班囝囝變成搶手貨,冠軍Ben和「十強」的CY、KLAU仲未簽畀ViuTV,仲話想睇定啲慢慢揀。

熱爆的《全民造星III》播完近一個月,一班參賽者依然人氣高企,ViuTV即時食住個勢上周推出由他們孭飛的《囝囝女女730》,而當中冠軍的Ben(趙祥誠)、十強的「神經刀」CY(陳澤言)和KLAU(劉瑞祈)都有份演出。不過,原來三個囝囝仍未跟ViuTV簽約,三人坦承都要睇定啲,由胞姐暫代經理人的Ben坦言有好多公司邀請,未來想走多元化藝人路線;而有姑姐暫任經理人的CY,亦承認有跟其他大公司接洽,最重要有機會畀佢繼續唱歌;至於自爆舊年推了大公司邀請加入新組合的KLAU,亦有不少公司問津,但揀公司重視有創作空間。一班《造星III》參賽者,已成各大娛樂公司搶手貨,嚟緊應該會keep住見到佢哋!撰文:杜淑霞 攝影:譚壹致、張詠森 髮型:Keinoyip(CY) 化妝:tracyui.makeup(CY) 服裝:D-mop(CY)、Octo_gambol(KLAU) 場地:The AIR (The ONE)(CY)、DreamSeekerStudio(KLAU)

Ben坦言有好多公司邀請,未來想走多元化藝人路線。
Ben坦言有好多公司邀請,未來想走多元化藝人路線。
在家中排行第二的Ben,當日繼續有胞姐陪同做訪問。
在家中排行第二的Ben,當日繼續有胞姐陪同做訪問。




Ben奪冠後,富裕家庭背景曝光,對此他坦承有壓力,「我好想澄清番,我冇靠任何呢啲關係,我想證明畀人睇,靠自己可以點樣行。」不過Ben承認參賽期間,家人確幫了很多,除了胞姐充當臨時經理人外,原來其他家人會幫手篩選工作,「大大小小都幫咗我好多,因為佢哋知我應付唔到,譬如一啲工作機會,有啲人搵我,我應唔應該要覆啦!?冇可能咁多個全部都覆㗎嘛,呢啲位屋企人會幫手。我哋仲會全家一齊傾,傾我嘅形象,適合啲咩工作咁樣。」而Ben亦承認,已有國際品牌合作邀請,家人亦有幫手接洽。Ben承認跟ViuTV有合作機會,「如果我想出歌或者拍戲,出面有公司幫到我,都會考慮簽出面公司,但如果Viu想簽我都會考慮。」而他未來想向全方位藝人發展,「我覺得冇衝突,好多藝人都係乜都會識咁樣,除咗舞台劇,會想出自己嘅歌先,最想將外國興緊嘅嘢帶嚟香港。」

Ben出席《囝囝女女730》記招,同師兄Lokman dance battle。
Ben出席《囝囝女女730》記招,同師兄Lokman dance battle。
Ben日前為跟梁祖堯合作的舞台劇《通菜街喪屍戰》拍攝短片。
Ben日前為跟梁祖堯合作的舞台劇《通菜街喪屍戰》拍攝短片。



想做許廷鏗師弟

CY參加《造星III》前,在尖沙咀酒廊「紅館」任職Bartender時,曾參加過該酒廊舉行的歌唱比賽,奪得冠軍而簽了經理人,直到打入十強後才解約,由姑姐暫代經理人,「我同經理人入咗十強之後傾過,佢知道我可能有更加好嘅機會(而解約)。」CY透露雖然ViuTV未搵他傾,但有其他公司向他招手,據知更有大公司周圍搵他聯絡方法,對此他答得尷尬又小心,「係!(好開心?)唔係,我講咩呀!哈哈!仲喺度了解,佢哋搵我覺得可以幫到我發展更多可能性,會有少少開心,但係慢慢嚟。」早前他公開話想同華納唱片合作,但對方未有邀請,「我成日都獅子開大口㗎啦!因為我覺得佢係間純音樂嘅公司,同埋我又好鍾意許廷鏗喎!(想做佢師弟?)係啩!」而對於簽公司他坦言想睇定啲,「首先我對呢行真係唔熟,等我多啲接觸啲前輩了解咗咩事,突然有啲公司話想搵你或者話想簽你,我個人好棹忌簽約嗰啲嘢,會覺得好嚴重,一定會清楚了解晒所有嘢先至落決定。」



放棄加入PIX3L


參加《造星III》前,KLAU已經跟前公司完約半年,他承認最近有跟ViuTV傾合作,但大前題一定要給他製作歌曲機會,他更自揭去年曾獲環球唱片邀請加入新組合P1X3L,但他竟然放棄機會,「環球係我好鍾意嘅公司,但係嗰時啱啱完咗上間公司5年合約,第六日又有一份合約畀我嘅時候,我係咪要搵番我自己先,再去安排以後,我𠵱家諗番冇話可唔可惜後唔後悔,我唔強求,但係𠵱家歡迎有任何合作嘅機會。但做組合真係要睇吓人腳,呢兩年慢慢打開咗自己一啲創作嘅能力,我都想一路keep住落去。」講到見到PIX3L剛出道,KLAU坦承好開心,「呢個行業就係要有多啲競爭對手,先至會發熱發光,組合得一隊冇得鬥,反而有5隊10隊,先至會多啲人關注。」

CY承認有跟大公司接洽,最重要有機會畀佢繼續唱歌。
CY承認有跟大公司接洽,最重要有機會畀佢繼續唱歌。
被指得罪ViuTV高層金廣誠的CY,當日兩人在《囝囝女女730》活動合照。
被指得罪ViuTV高層金廣誠的CY,當日兩人在《囝囝女女730》活動合照。
CY在酒廊任職Bartender時,經常上台唱歌。
CY在酒廊任職Bartender時,經常上台唱歌。
KLAU有不少公司問津,他希望今年上半年可以落實。
KLAU有不少公司問津,他希望今年上半年可以落實。
KLAU跟音樂人Wallis亦師亦友,總決賽演繹歌曲《I
KLAU跟音樂人Wallis亦師亦友,總決賽演繹歌曲《I'm good boy or bad boy》也是跟對方一齊創作。
去年KLAU本來有機會加入由《造星II》組成的P1X3L。
去年KLAU本來有機會加入由《造星II》組成的P1X3L。
其他文章
hd