首頁 即時娛樂

【懷念琴姐】因為媽媽梁小玲關係 趙希洛童年曾收琴姐古裝戲服

26/01/2021 16:00:00
趙希洛多謝琴姐自細嘅關懷,會永遠懷念佢。
趙希洛多謝琴姐自細嘅關懷,會永遠懷念佢。

李香琴昨晚設靈,不少圈中好友無懼疫情到場送別,趙希洛(Candice)亦隨母親梁小玲現身殯儀館。因為趙母曾是TVB藝員,活躍於70年代,演出過不少劇集,亦是《歡樂今宵》台柱,跟琴姐相當老友,就算舉家移民去澳洲,琴姐之後都有去澳洲探佢。

琴姐幫童年趙希洛梳頭。
琴姐幫童年趙希洛梳頭。
琴姐打緊麻雀。
琴姐打緊麻雀。

因為媽媽關係,趙希洛自細就識得琴姐,佢仲喺IG Post出幾張童年相,其中一張是琴姐正在為童年嘅佢梳頭。趙希洛留言:「再見琴婆婆,我永遠不會忘記你,感謝你在我童年時,一直對我親切嘅愛護。」另外由於童年趙希洛好鍾意睇古裝片,琴姐仲特登造咗一件古裝童裝戲服,更專誠帶去澳洲送畀佢,趙希洛表示當年好開心,仲好記得要花好多時間穿上,着完又唔捨得除低。「絕對係我最快樂最喜歡的童年回憶之一。」最後,Candice留言,「We will miss you,琴婆婆。」

琴姐送贈的古裝戲服。
琴姐送贈的古裝戲服。
琴姐尋晚設靈,趙希洛同母親亦有到場。
琴姐尋晚設靈,趙希洛同母親亦有到場。

其他文章
hd