首頁 即時娛樂

【頭條獨家】同Edan齊單飛 拍過百萬大製作MV 肥仔梁業狂碌人情牌兼倒貼

26/01/2021 23:00:00
肥仔梁業同Edan一齊單飛,拍過百萬大製作MV,搞到要狂碌人情牌兼倒貼。
肥仔梁業同Edan一齊單飛,拍過百萬大製作MV,搞到要狂碌人情牌兼倒貼。

舊年《全民造星》出身歌手,在樂壇真係幾威威!新人的Jer(柳應廷)和Anson Lo(盧瀚霆)@MIRROR成功喺頒獎禮攞到新人金獎,而今年有呢期勁紅Edan(呂爵安)@MIRROR同ERROR隊長肥仔(梁業)接力單飛,推出新歌《E先生連環不幸事件》同《Lady Killa》。Edan單飛搵到猛人黃偉文(Wyman)寫詞夠晒面子,不過跳得的肥仔仲勁,新歌竟想挑戰韓國天團BLACKPINK韓式勁歌熱舞,處女MV製作成本高達百萬。原來兩人聽到花姐一句「睇你今次成績先決定有冇下首歌」,所以實行玩All In,搏盡!撰文:杜淑霞 攝影:張詠森 髮型:Lydia Yung、Denny [email protected] Private I Salon 化妝:Circle Chong、Cori [email protected] Makeup 服裝:Homme Plisse by Issey Miyake(Edan)、Rule_crossing.men(肥仔)

肥仔話渴望單飛好耐,「成日訪問都話想單飛,但飛極都飛唔起,終於飛得起。(Edan:首位飛得起,終於飛甩ERROR!)」
肥仔話渴望單飛好耐,「成日訪問都話想單飛,但飛極都飛唔起,終於飛得起。(Edan:首位飛得起,終於飛甩ERROR!)」
肥仔新歌MV拍膊頭搵來跳舞導師及排舞師級數老友幫手伴舞。
肥仔新歌MV拍膊頭搵來跳舞導師及排舞師級數老友幫手伴舞。




成為首個MIRROR成員邀請到Wyman填詞,Edan超緊張,加上聽到監製Edward Chan話:「Wyman唔畀人咬唔正佢啲詞㗎!你要加油呀!」令不嬲咬字都唔多掂的他唯有加緊練習,「我每日讀報紙去校番啲讀音,我喺香港出世,但係爹哋媽咪係大陸人,學廣東話跟佢哋學唔係咁純正,但錄音咬字好緊要。」早前Edan同《頭條》事先張揚想搵Stephy(鄧麗欣)做MV女主角,但最終放棄咗,「出唔起錢?我願意出錢嘅。啲錢去晒肥仔個MV度?哈哈!」肥仔笑言:「我out bud out到打電話,『喂!阿爵爺你個MV點樣呀?未搞掂不如撥啲(錢)過嚟呀!』」

Edan新歌MV大玩三角戀,女主角由模特兒Mandy出任。
Edan新歌MV大玩三角戀,女主角由模特兒Mandy出任。
肥仔本來還打算有開槍等爆破場面,但製作費實在太高而放棄。
肥仔本來還打算有開槍等爆破場面,但製作費實在太高而放棄。




做得唔好驚冇下次


肥仔解釋超budget,除邀請20多位舞蹈員伴舞,還因太貪心,「我賣點係跳舞,淨係搵4個咁跳好弱,好彩我人緣好,叫啲朋友幫吓手半拍膊頭,有方方、Tank。入面仲有啲武打場面,搵咗特技人同吊威吔嘅人員。(Edan:同肥仔同期出歌好大壓力!)如果計足收錢,真係要過百萬嘅,花姐應該斬死我,不過後面都係自己嘔出嚟。實際用幾錢?一定有六位數字,實際out幾多就唔講啦!自己嘔幾多都唔好講啦!」原來MV拍足兩日,後期仲要加CG,連花姐都忍唔住話:「Edan你走先啦!」睇見Edan扮晒喊,肥仔即時補充:「MV故仔講《Lady Killa》以吸血鬼獵人去包裝,有啲CG嘢先幫到吓手,唔係就流得滯!」不過Edan明白肥仔瞓身內情,「都要㗎!分分鐘係我哋唯一一首歌嚟!」因花姐講過,「睇你今次成績先決定有冇下首歌。」肥仔說:「死啦!做得唔好冇下首歌喎!係咁掉錢落去,All In啦!」不過,肥仔覺得倒貼都值得,「係自己嘅投資,有機會單飛喎!我今次嘅曲風偏向韓國,你當香港BLACKPINK都得,因為有個夢想,有一日可以企喺MAMA台上,自己又唔係冇能力做,話廣東話配落韓國曲風好難?!我做畀你睇,都係唔好咁囂張!(Edan:你啱啱囂張完,BLACKPINK喎!)哈哈!」

以這個造型宣傳新歌,搞到粉絲以為他新歌繼續派膠。
以這個造型宣傳新歌,搞到粉絲以為他新歌繼續派膠。
被受力捧的Edan,最近跟Anson Lo孭飛演出港版《大叔的愛》。
被受力捧的Edan,最近跟Anson Lo孭飛演出港版《大叔的愛》。
在剛過去的三大頒獎禮,MIRROR連奪5個大獎外,個人方面則掃了共11個獎項,包括Jer奪得「叱咤樂壇生力軍—金獎」。
在剛過去的三大頒獎禮,MIRROR連奪5個大獎外,個人方面則掃了共11個獎項,包括Jer奪得「叱咤樂壇生力軍—金獎」。
身為ERROR隊長的肥仔,成為首個單飛成員。
身為ERROR隊長的肥仔,成為首個單飛成員。
其他文章
hd