首頁 即時娛樂

Solo MV齊上YouTube熱門 Edan難忘喊位 肥仔自稱唐僧肉畀女圍

28/01/2021 14:30:00
MIRROR成員Edan(呂爵安)與ERROR隊長肥仔(梁業)昨日一同單飛出道。
MIRROR成員Edan(呂爵安)與ERROR隊長肥仔(梁業)昨日一同單飛出道。

繼姜濤、Ian(陳卓賢)、Anson Kong(江𤒹生)、Anson Lo(盧瀚霆)、Jer(柳應廷)先後推出Solo大獲好評後,MIRROR的Edan(呂爵安)與ERROR隊長肥仔(梁業)亦在昨日單飛出道。二人日前分別為新歌拍攝MV,Edan變返學生跟林家熙(Locker)、譚旻萱(Mandy)大玩三角戀,夠晒青澀;另一邊廂,肥仔收起搞笑形象,以多個「型男」Look上陣,各具特色!


兩個MV已於昨晚8時在YouTube正式公開,Edan新歌《E先生連環不幸事件》觀看次數已超過13萬,打入熱門影片第8位;至於肥仔的《Lady Killa》亦有超過5萬次瀏覽,熱門影片排行第14位。成績唔錯,兩位睇嚟可以放下心頭大石嘞!

Edan在MV化身學生,跟林家熙(Locker)、譚旻萱(Mandy)大玩三角戀。
Edan在MV化身學生,跟林家熙(Locker)、譚旻萱(Mandy)大玩三角戀。
Edan特意返母校可風中學取景。
Edan特意返母校可風中學取景。

Edan的新歌《E先生連環不幸事件》講述三位好朋友之間的「三角戀」故事,填詞人黃偉文(Wyman)更為Edan度身訂造,將他「黑仔」的特質配入歌詞。而Edan亦在MV出動私伙鋼琴大晒琴技,又特別返母校可風中學取景,難怪他表示新歌別具紀念價值:「感覺好特別,近幾年都冇返過母校,熟悉嘅環境更容易入戲。」中學時期熱衷參與課外活動的Edan笑言是風頭躉:「實不相瞞,中學時我都被稱為『男神』,低年級嘅女同學好多時會崇拜師兄,搵佢哋影合照。」


當中一場「攤牌」戲,三位主角更要情感大爆發,Edan表示:「呢場戲係最難忘,因為喊戲對我嚟講難度極高。我本身唔易喊,好彩兩位對手表現好好,我都畀佢哋嘅情緒感染。」Edan坦言首次單飛心情緊張,咁有否向MIRROR的兄弟取經?他擰頭說:「冇刻意取經,大家風格唔同,各有歌路,不過好彩有佢哋之前做咗個榜樣畀我睇,等我知道應該點樣做。」

三人着起校服,為MV帶來青春氣息。
三人着起校服,為MV帶來青春氣息。
MV的鋼琴是Edan私伙,他更大晒精湛琴技。
MV的鋼琴是Edan私伙,他更大晒精湛琴技。

同日推出新歌《Lady Killa》的肥仔,邀請到模特兒關雅芳(Vagary)做女主角之外,更出動半百工作人員及10多位舞蹈員拍MV。為配合MV風靡萬千少女的主題,肥仔Chok爆以多個型男造型上陣。首度單飛出歌的肥仔大叫緊張,他不僅花了近兩個月籌備MV,更刻意減肥上陣,又碌盡人情卡搵朋友幫手:「MV入面自己好似一塊唐僧肉,有好多女仔圍繞身邊,基本上已經拍盡人生所有膊頭。」畀女圍可有艷福感覺?肥仔小心表示:「唔敢講,因為全部都係識咗好耐嘅朋友。」


肥仔早前拍《男排女將》成功向鄧麗欣(Stephy)「抄牌」,為何不邀請對方做MV女主角?他表示自己太怕醜:「都有諗過搵Stephy,但自己太怕醜,最後都係唔敢搵佢。其實女主角都篩選咗好幾個,最想搵欣宜,因為佢跳得、出嚟好有霸氣,有Queen嘅感覺,可惜時間配合唔到。」肥仔又透露,收到花姐通知可以單飛時非常開心,並感謝許廷鏗給予意見:「我唔係識好多音樂人,好多謝許廷鏗介紹音樂人畀我,又畀咗好多意見令我可以促成今次呢首歌。佢聽完話首歌OK,我信心都增強咗唔少。」

Edan認為三人的天台攤牌戲係最難忘。
Edan認為三人的天台攤牌戲係最難忘。
唔易喊的Edan,拍MV時都被拍檔情緒感染。
唔易喊的Edan,拍MV時都被拍檔情緒感染。
肥仔邀請到模特兒關雅芳(Vagary)做MV女主角。
肥仔邀請到模特兒關雅芳(Vagary)做MV女主角。
肥仔在MV有不少跳舞場面。
肥仔在MV有不少跳舞場面。
歌曲講肥仔風靡萬千少女,最後當然臣服到女神。
歌曲講肥仔風靡萬千少女,最後當然臣服到女神。
肥仔在MV中不停畀女圍。
肥仔在MV中不停畀女圍。
肥仔為單飛已碌盡人情卡。
肥仔為單飛已碌盡人情卡。
肥仔早前拍《男排女將》成功向鄧麗欣(Stephy)抄牌,不過就怕醜唔敢搵對方做MV女主角。
肥仔早前拍《男排女將》成功向鄧麗欣(Stephy)抄牌,不過就怕醜唔敢搵對方做MV女主角。
Edan《E先生連環不幸事件》觀看次數超過13萬,熱門影片第8位。
Edan《E先生連環不幸事件》觀看次數超過13萬,熱門影片第8位。
肥仔《Lady Killa》瀏覽人次超過5萬,熱門影片第14位。
肥仔《Lady Killa》瀏覽人次超過5萬,熱門影片第14位。
其他文章
hd