首頁 即時娛樂

【疫下難識人】唔敢約心儀對象食飯 方力申認拍拖過於理智

28/01/2021 14:07:00
單身已久的小方呻疫下好難識人,但稱不會玩交友App,擔心俾記者發現。
單身已久的小方呻疫下好難識人,但稱不會玩交友App,擔心俾記者發現。

方力申(小方)早前為阮小儀主持的香港開電視節目《小儀與13型男》擔任約會對象,節目中,為配合小方熱愛運動的喜好,小儀特別安排跟對方大玩TRX(懸吊式阻抗訓練),兩人大擺親密甫士,小儀以「男上女下」般躺在地上與小方大玩「女朋友視角」,她說:「同佢識咗咁多年,喺鏡頭前有冇試過咁親密?係少啲嘅。拍電影,導演都唔會擺我哋做一對,呢啲動作頭先即席諗,佢又唔介意,純粹佢又信我、我又信佢,係一個友情Moment,感覺有趣!」

小方於節目《小儀與13型男》中,擔任小儀的約會對象。
小方於節目《小儀與13型男》中,擔任小儀的約會對象。
小方和小儀大玩TRX。
小方和小儀大玩TRX。

問到可曾跟另一半一起做運動?小方點頭表示有,但笑言並非好事:「細個有同女朋友一齊做運動,但都鬧交收場,自己對運動有要求,會教對方咁做先啱、咁做唔啱,人哋就會拍枱、掉毛巾話唔做喇,所以同女朋友做運動係咪會好Sweet呢?我覺得未必係。」之後小儀又獻上Kpop舞給對方作驚喜,惟拍攝前才學了幾日的她雞手鴨腳,把小方嚇到目瞪口呆並口窒窒說:「好有誠意,但點解、點解、點解要跳舞?」場面爆笑,事後小方稱尊重對方為他做的一切,但謂運動員出身的自己要求較高,自然會跟女朋友講「差啲喎」,換來不理想的效果。

小儀以「男上女下」甫士躺在地上,與小方大玩「女朋友視角」。
小儀以「男上女下」甫士躺在地上,與小方大玩「女朋友視角」。
為迎合小方運動型性格又展現女性優雅一面,小儀特意學跳Kpop,睇到對方目瞪口呆。
為迎合小方運動型性格又展現女性優雅一面,小儀特意學跳Kpop,睇到對方目瞪口呆。

其間,不時強調單身已久的小方大呻疫情下好難識人,小儀提議他透過交友App識人,但小方笑道:「你玩我咩?App要擺自己張相,記者咪知!其實我好Old School,讀書時係游泳運動員,喺泳界好多家長識,佢哋就等於之後嘅『狗仔隊』,嗰時已經地下情,到入行時係『狗仔隊』最旺嘅時期,自己又係地下情,慣咗喺呢件事上好緊張,就算而家對個女仔有好感,都唔敢約食飯,一約就會畀人覺得『出擊』咁。」並謂自己拍拖最大缺點是過於理智,至於擇偶條件?他說:「首選性格隨和。」

其他文章
hd