首頁 即時娛樂

【頭條獨家】李丞責博士早預言家有喜事 家燕姐首做嫲嫲興奮到瞓唔到

22/02/2021 22:03:00
被堪輿學家李丞責博士預言今年繼續旺的薛家燕終於「升呢」做嫲嫲,林盛斌及黎諾懿送上祝福。
被堪輿學家李丞責博士預言今年繼續旺的薛家燕終於「升呢」做嫲嫲,林盛斌及黎諾懿送上祝福。

牛年剛開始,被堪輿學家李丞責博士預言今年繼續旺的薛家燕終於「升呢」做嫲嫲,講明男女孫都冇所謂的家燕嫲嫲雀躍地說:「收到新抱第一手喜訊後,我緊張到成晚瞓唔到,朝早八點彈起身周圍打畀朋友,問有乜補身湯水推介。」因為太緊張講到吞吞吐吐,家燕嫲嫲竟然話,「我諗佢哋會懷疑我有喜呀!哈哈哈哈…」仲話會叫新抱得閒聽吓《皆大歡喜》,「一出嚟個BB就識跳十字步。」準嫲嫲愈講愈笑,愈笑愈大聲,恭喜晒家燕嫲嫲。採訪:方騫平 攝影:張詠森

四萬咁口 家燕姐家有喜事,做節目風騷到暈。
四萬咁口 家燕姐家有喜事,做節目風騷到暈。
鬼馬公布

有肚腩嘅家燕姐與「有餡」嘅新抱仔Zoe齊齊喺肚皮位置做出心心手勢。
鬼馬公布 有肚腩嘅家燕姐與「有餡」嘅新抱仔Zoe齊齊喺肚皮位置做出心心手勢。

最近薛家燕、林盛斌及黎諾懿等主持TVB新春節目《天天開運王》,乘機拉住李丞責博士預測牛年運程,李博士預言家燕姐今年能保持良好狀態,仲可能家有喜事!當時仍然要守住秘密嘅家燕姐只能大笑回應:「承你貴言!」

開心過自己有咗

年初三即情人節當日喜訊通天,家燕姐不斷收到祝賀短訊,「嗰日我回短訊都回唔切,真開心!好記得收到第一手消息嘅時候,當晚新抱仔整咗個蛋糕,上面有張BB超聲波相,但當時我冇為意,又冇睇清楚,以為佢整蛋糕畀大家食,經解說後,我開心到唔識講任何嘢,比起自己當年有咗更雀躍。」因為太開心,家燕姐表示當晚瞓得好少,「朝早八點鐘就醒咗,一醒咗就諗起新抱有咗,好興奮咁起身睇吓有乜要做,唔想再瞓返,跟住好忙咁逐個打畀朋友了解煲乜湯可以補身?但又唔敢話畀朋友聽新抱有喜。朋友都意識到有唔妥,好奇追問:『乜你咁補呀?』我話係呀!係呀!總之我要補身啦!最後我揀咗煲靈芝花膠湯,我諗佢哋會懷疑我有咗呀!」語畢,家燕姐笑得更大聲。


博士好嘢 李博士預言家燕姐今年家有喜事,當時家燕姐忍住唔敢爆響口,只係大讚師傅有料到。
博士好嘢 李博士預言家燕姐今年家有喜事,當時家燕姐忍住唔敢爆響口,只係大讚師傅有料到。
生仔有法

李博士指阿Bob繼續有仔生,又提議黎諾懿擺吓家居風水陣都有助生牛女。
生仔有法 李博士指阿Bob繼續有仔生,又提議黎諾懿擺吓家居風水陣都有助生牛女。

避談送禮贈新抱

家燕姐尊重兒媳安排,有關改名、家庭計劃、湊孫等問題唔使她操心:「始終新一代做法唔同,佢哋有打算,最緊要新抱安吓胎先,得閒聽吓《皆大歡喜》,等佢開心啲,一出嚟個BB就識跳十字步,胎教好緊要㗎!出世之後就要聽《弟子規》,等佢學識有規有矩,𠵱家我要upgrade改名叫『家燕嫲嫲』哈哈哈,不過,都係叫返『家燕媽媽』好聽啲!」被問到送乜名貴禮物獎勵新抱時,家燕姐即避談:「應該佢哋獎勵我就真,因為知道我好想做嫲嫲,(日後會唔會減少工作湊孫?)交畀經理人囡囡珊珊安排。」

Bob係百子千孫格

另外,李博士指阿Bob好健壯,加上係百子千孫格,好有福氣,好有機會再做爸爸!阿Bob即耍手擰頭話老婆經已宣布封肚,叫他喺出面搵女人生,惟有集中火力搵錢先:「我反而最想4子女返到學,見佢哋日日喺屋企對住平板電腦學習,唔係正常社交活動,又怕佢哋近視加深,又唔知咁樣授課,佢哋入唔入到腦。」而黎諾懿最想添個牛女,李博士教他喺屋企東北位擺果籽及柑桔等,平日就放檸檬,有助催旺人丁,如催財就喺西位放流水擺設、水晶、水種植物及養魚。

家有喜事 家燕姐提供紅噹噹靚相畀本報,話呢張相代表有喜事呀!
家有喜事 家燕姐提供紅噹噹靚相畀本報,話呢張相代表有喜事呀!
名貴獎勵

當日家燕姐送6隻金豬同「流星錘」咁大嘅龍鳳鈪畀新抱仔,唔知今次家燕姐又送乜畀新抱呢?
名貴獎勵 當日家燕姐送6隻金豬同「流星錘」咁大嘅龍鳳鈪畀新抱仔,唔知今次家燕姐又送乜畀新抱呢?
紅鸞星動 家燕姐最想下個喜事同大女珊珊有關。
紅鸞星動 家燕姐最想下個喜事同大女珊珊有關。
宣布有喜

薛家燕兒子石耀庭在情人節於社交網宣布太太懷孕。
宣布有喜 薛家燕兒子石耀庭在情人節於社交網宣布太太懷孕。
四個夠數 阿Bob一家6口生活美滿,老婆Pearl(黃乙頤)決定封肚,4個夠晒數。
四個夠數 阿Bob一家6口生活美滿,老婆Pearl(黃乙頤)決定封肚,4個夠晒數。
最佳牛牛

黎諾懿好樂意畀「小春雞」騎住,如果為兒子帶來一個妹妹就更好。
最佳牛牛 黎諾懿好樂意畀「小春雞」騎住,如果為兒子帶來一個妹妹就更好。
其他文章
hd