首頁 即時娛樂

老爺曾志偉接管TVB音樂業務  王敏奕唔擔心俾人話靠關係

24/02/2021 20:45:00
志偉接管TVB音樂業務,新抱兼星夢歌手Venus即獲網民睇好攞今屆「最受歡迎女歌星」。
志偉接管TVB音樂業務,新抱兼星夢歌手Venus即獲網民睇好攞今屆「最受歡迎女歌星」。

王敏奕(Venus)去年加盟星夢娛樂做歌手,實行歌影視三棲發展,惟近日TVB及星夢出現人事變動,老爺曾志偉回巢出任副總經理(綜藝、音樂製作及節目),並踢走現任星夢娛樂行政總裁何哲圖(Herman),全面接管綜藝及音樂事務。對於Herman本月底離職,Venus坦言對其工作影響不大,亦趁拍劇空檔安排了錄歌。

Venus唔擔心被人指靠關係,會努力做好自己。
Venus唔擔心被人指靠關係,會努力做好自己。
志偉(左)回歸TVB出任高層,全面掌管音樂及綜藝業務。
志偉(左)回歸TVB出任高層,全面掌管音樂及綜藝業務。

問到老爺掌管音樂業務,是否對她有很大優勢?Venus說:「我一向畀心機做好自己,亦有努力學跳舞同唱歌,不斷進步。(網民睇好你奪今屆「最受歡迎女歌星」?)我會努力做好自己,等大家睇到我嘅誠意,我唔擔心俾人認為靠關係,因為有留意自己嘅人,都知道我向來係努力嘅人。」又指志偉加入公司是好事,對方有很多想法,相信觀眾亦會好開心。那麼可會叫老公曾國祥加入TVB幫手?她笑道:「我哋一向都係自己做自己嘢。(有向老爺表達意見?)呢啲唔輪到我喎!我都係啱啱開始,成張白紙,仲係探索中,之前新年都有見過老爺,但我哋見面好少講工事。」

Venus與曾志偉兒子曾國祥於19年結婚。
Venus與曾志偉兒子曾國祥於19年結婚。

其他文章
hd