首頁 即時娛樂

【頭條獨家】鄭世豪謝文欣盼牛年合作 BINGO BOP恨歌而優則演

25/02/2021 23:14:00
Tyrese、Gordon、Lincoln、Odilia、Carman、文欣和世豪齊向《頭條日報》讀者拜年!
Tyrese、Gordon、Lincoln、Odilia、Carman、文欣和世豪齊向《頭條日報》讀者拜年!

「天盟娛樂」一班藝人BINGO成員關嘉敏(Carman)和陳康琪(Odilia)、BOP天堂鳥成員葉灝基(Gordon)、許俊豪(Lincoln)和歐喬鋒(Tyrese)、鄭世豪和謝文欣趁住踏入牛年,約埋食泰菜賀大家新一年齊齊撈到風生水起!講到新年願望,七位想繼續唱好歌外,拍檔主持多年的鄭世豪和謝文欣想再有其他合作,而BINGO和BOP就恨到出口想演戲。撰文:杜淑霞 攝影:張詠森 服裝:iBLUES(Carman)、Dmop(Odilia) 場地:泰泰

大家齊齊食「泰泰撈起」,個個都撈到風生水起!
大家齊齊食「泰泰撈起」,個個都撈到風生水起!
Carman和Odilia新一年兩人都想拍劇同再玩真人騷。
Carman和Odilia新一年兩人都想拍劇同再玩真人騷。



世豪和謝文欣之前拍檔主持《勁歌金曲》幾年,去年加入公司的世豪笑謂,「我有啲遺憾,出歌方面冇得同師姐謝文欣合作,2021年希望同到佢合作。」期待今年有機會拍劇的文欣,亦想跟世豪做對手戲,仲衝口而出話:「做父女啦!」其實兩人年紀只差13年,搞到世豪唔知好嬲定好笑,唯有搞鬼話:「咁你叫聲爸爸先啦!」

早前客串新劇《逆天奇案》的Lincoln、Gordon和Tyrese,想再拍多啲劇。
早前客串新劇《逆天奇案》的Lincoln、Gordon和Tyrese,想再拍多啲劇。
世豪和文欣這對老拍檔,拍照和訪問都默契十足。
世豪和文欣這對老拍檔,拍照和訪問都默契十足。




Carman和Odilia異口同聲認為鼠年參加《全民造星III》大豐收,對牛年發展好有幫助,Odilia說:「完咗《造星》後,想將唱歌能力再提升,希望BINGO有啲跳唱歌可以一齊再玩,嚟緊我哋會翻唱夢劇院嘅《天生一對》(IFPI「音樂永續樂壇共享」計劃),今次重新編曲比較輕快。」而近期兩人會努力搞好網上頻道外,亦想多在戲劇上演出,Carman說:「我2021年希望可以成為演員,可以有多啲唔同嘅演出機會,無論係電影或者電視劇方面,參加《造星》之後,自己都有寫吓啲Rap,可以出番首屬於自己嘅Rap歌。」



Gordon和Tyrese鼠年都升呢做老闆,Gordon開了外賣食店,準人夫Tyrese就搞園藝,Tyrese說:「多咗個身份,多咗個責任,要再勤力發憤啲,所以大半年前喺網上搞園藝服務,本身屋企人有做開,自己做比較年青路線。」去年考了健身教練牌的Lincoln,牛年亦有意加入老闆行列,「做開間健身室有叫我入股,幫手做啲宣傳嘢,都會考慮吓。」演藝工作方面,三子除了參加IFPI的「音樂永續樂壇共享」計劃翻唱郭富城《狂野之城》和黎明《今生不再》外,亦好恨演戲,Gordon說:「簽咗邵氏,希望劇集同電影有新發展,除咗唱歌跳舞之外,演戲係另一個層次。」

當日他們齊食泰式賀年菜「泰泰撈起」和「泰式飛天魚」。
當日他們齊食泰式賀年菜「泰泰撈起」和「泰式飛天魚」。
其他文章
hd