首頁 即時娛樂

【頭條獨家】為家人瞓覺照戴口罩 陳豪離港靠錫mon解相思

25/02/2021 19:00:00
阿Mo為保護家人幾辛苦都冇計,寧願無時無刻都戴上口罩。
阿Mo為保護家人幾辛苦都冇計,寧願無時無刻都戴上口罩。

陳豪(阿Mo)最近在《陀槍師姐2021》演「懵Sir」,但現實中他絕對精明,錫老婆仔女並非單靠搵錢養家,疫情下出席公開場合外科口罩永不離面,連在家瞓覺也全程戴住,為保護家人幾辛苦都冇計。不過即將要到內地為新劇《白色強人II》開工的他,首次跟家人長時間分隔兩地,他預計同家人視像會狂錫個mon解相思。撰文:杜淑霞 攝影:譚壹致 服裝:中藝、Theory

阿Mo的牛年願望是演藝工作跟咖啡生意都可以穩定發展。
阿Mo的牛年願望是演藝工作跟咖啡生意都可以穩定發展。
阿Mo跟宣萱老友鬼鬼,合作起來份外有默契。
阿Mo跟宣萱老友鬼鬼,合作起來份外有默契。




阿Mo在01年拍過《陀槍師姐III》演大奸角「陳耀揚」,今次再拍同系列變成可愛阿Sir,不過他認為仲難演,「喜劇其實好蝦人,一多就over,一少就唔足夠,好靠演員摸到觀眾嘅路線同笑點。」但幸好拍住默契十足的宣萱,「佢係個好照顧身邊所有人嘅人,一個大好人,佢今次仲教我化妝同美容,又幫手畀意見啲新人。」

新年有幾日假期,阿Mo爭取同家人相處時間。
新年有幾日假期,阿Mo爭取同家人相處時間。
早前阿Mo在《萬千星輝頒獎典禮》全程戴口罩獲讚。
早前阿Mo在《萬千星輝頒獎典禮》全程戴口罩獲讚。




提到早前在《萬千星輝頒獎典禮》全程戴口罩獲讚,阿Mo認為這是最基本可做到,「冇人怪你做多,只有怪你做少,喺呢個時間防疫意識係緊要。你話我謹慎,我其實唔止㗎!我連瞓覺都戴住,喺屋企都戴住你咪知道囉!因為我拍戲有好多人,又成日周圍去,我唯有返屋企就換個新嘅口罩,全程戴住除咗食嘢。」但仔女有時會話:「爹哋好耐冇見過你個樣。」但他有將防疫意識灌輸給小朋友,令他們乖乖戴口罩,「對細路仔要當佢大人咁對待,要同佢解釋發生咩事,點解唔使返工返學,咁佢哋就唔會扭計。」



早前陳茵媺貼出細女Camilla見到爹哋即咀mon的得意相,原來有機會案件重演,因阿Mo在3月要去深圳拍《白色強人II》,要隔離而逗留時間特別長,「計埋拍要逗留兩個半月,冇試過咁耐冇見佢哋。」平日跟家人黐到實的他,已預告畀小朋友知,「要早啲講畀佢哋聽,知道幾時要走心理壓力冇咁大,好似睇電視睇多5分鐘,唔好即刻熄咗佢,畀啲時間佢哋準備吓。佢哋梗係話爹哋唔好走,見你出門口就話爹哋你走啦!哈哈!到時唯有靠視像囉!」笑他到時仔女瘋狂錫mon之餘,他可能錫得最勁,他點晒頭:「無錯呀!」

瞓覺都戴口罩的阿Mo,下廚時當然罩不離面。
瞓覺都戴口罩的阿Mo,下廚時當然罩不離面。
早前細女Camilla 見阿Mo出現,即狂咀mon上的爹哋。
早前細女Camilla 見阿Mo出現,即狂咀mon上的爹哋。
阿Mo一家防疫意識相當高,出入必戴口罩。
阿Mo一家防疫意識相當高,出入必戴口罩。
其他文章
hd