首頁 即時娛樂

【頭條獨家】環星娛樂牛年開turbo搞騷 張國林為張偉文舉行個唱籌生活費

26/02/2021 00:23:00
「環星娛樂」老闆張國林率旗下歌手出席新春「撈起」,宣佈今年5月將為張偉文舉行個唱喜訊。
「環星娛樂」老闆張國林率旗下歌手出席新春「撈起」,宣佈今年5月將為張偉文舉行個唱喜訊。

初四係開工吉日,「環星娛樂」老闆張國林率旗下歌手出席公司新春團拜,齊齊「撈起」及切燒豬。提到演唱會喺疫情下停頓咗一年,眼見疫情受控,張國林嗱嗱聲開turbo搞show,由「靚聲王」張偉文打頭炮開4場,讓他賺點生活費維生;9月就搞陳美齡個唱,回顧她昔日佳作。 採訪:方騫平 攝影:譚壹致


「環星娛樂」老闆張國林率旗下歌手出席公司新春團拜,齊齊「撈起」及切燒豬。
「環星娛樂」老闆張國林率旗下歌手出席公司新春團拜,齊齊「撈起」及切燒豬。
之前張偉文被網民影到坐輪椅出外購物,驚見暴瘦出現「筷子腳」。
之前張偉文被網民影到坐輪椅出外購物,驚見暴瘦出現「筷子腳」。

當天「環星唱片公司」相當熱鬧,除咗旗下歌手尹光、何婉盈、康華、張子丰、方俊及歌莉雅出席外,黃翊、敖嘉年、李日朗等亦聚首一堂,由老闆宣佈喜訊,包括今年會為尹光、楊立門、柳影虹、Joe Junior、葉振棠開騷,而莫旭秋及姜蓓莉除開演唱會,下月同時推出《雙雙對對》唱片。


喺賀年片段中,外出光顧食店嘅張偉文變得精神飽滿。
喺賀年片段中,外出光顧食店嘅張偉文變得精神飽滿。
張國林率愛將尹光(右5)、楊立門(左4)、莫旭秋(右4)跟一眾男歌手合照。
張國林率愛將尹光(右5)、楊立門(左4)、莫旭秋(右4)跟一眾男歌手合照。

陳美齡如願開周年騷
由於《張偉文演唱會DVD豪華紀念套裝》大賣,張國林食住個勢宣佈喺5月為他舉行個唱:「佢做完兩次腰椎大手術後狀況時好時壞,要入住養老院靠輪椅代步,知佢環境艱難,所以幫佢開Show。」𠵱家張偉文體重暴跌到只有80幾磅,坐喺輪椅度驚見「筷子腳」,張國林指他狀態OK,可以應付到演出,之前仲喺食店入面拍咗新春恭賀片段,着住紅色褸,精神奕奕,面口都回復飽滿!至於今年係陳美齡(Agnes) 入行50周年, 一直恨開周年演唱會的她終能如願, 9月喺文化中心舉行回顧Show。另「環星唱片」為咗支持「音樂永續槳壇共享計劃」,3月份推出唱片《音樂傳盛》,翻唱《心淡》嘅黃翊去年同康子妮傳出緋聞,他強調牛年唔怕惹是非:「有時飛來橫禍好難講,都唔理得咁多。」

姜蓓莉(左起)、歌莉雅、康華、何婉盈、候慧寧係環星唱片女將。
姜蓓莉(左起)、歌莉雅、康華、何婉盈、候慧寧係環星唱片女將。
黃翊、李日朗、敖嘉年、方俊難得聚首一堂,黃翊話會繼續做好自己,唔怕今年再惹緋聞。
黃翊、李日朗、敖嘉年、方俊難得聚首一堂,黃翊話會繼續做好自己,唔怕今年再惹緋聞。
除咗何婉盈出新歌《錯到最後還是對》,下月莫旭秋及姜蓓莉亦會推出唱片《雙雙對對》
除咗何婉盈出新歌《錯到最後還是對》,下月莫旭秋及姜蓓莉亦會推出唱片《雙雙對對》
原來李日朗及張子丰口味相同,都係愛食香口嘅燒肉。
原來李日朗及張子丰口味相同,都係愛食香口嘅燒肉。
陳美齡將於9月喺文化中心為舉行回顧Show。
陳美齡將於9月喺文化中心為舉行回顧Show。
其他文章
hd