首頁 即時娛樂

【頭條獨家】拍戲以來最大考驗 栢天男被譚耀文拮手指痛到發惡夢

26/02/2021 00:42:00
片中Adam被譚耀文拮手指,痛到發惡夢。
片中Adam被譚耀文拮手指,痛到發惡夢。

由麥浩邦執導,譚耀文、張繼聰、栢天男(Adam)和張建聲主演的電影《逃獄兄弟》受疫情影響,上映日期延遲了兩個多月,直至2月25日全線上映,眾台前幕後等到頸都長埋,尤其孭重飛嘅Adam更甚,片中他被拳打腳踼、扯頭髮、更被獄中巨頭阿譚「心口碎大石」,其中一場邊掙扎邊被拮手指場口,因意外受傷流血,痛到Adam發惡夢! 採訪:方騫平 攝影:譚壹致 髮型:[email protected] Aveda(張繼聰)、[email protected] salon de Lotus(栢天男)、Simm(張建聲) 化妝:PinkyKu(張繼聰)、 Rainbow @ Annie G. Makeup(栢天男)、Yvonne (張建聲) 場地:JAS Party&Studio

張繼聰、栢天男、張建聲大讚拍男人戲夠爽快,呢個回憶超正。
張繼聰、栢天男、張建聲大讚拍男人戲夠爽快,呢個回憶超正。
張繼聰、導演麥浩邦、栢天男、張建聲重提拍戲點滴,辛苦得嚟係開心嘅。
張繼聰、導演麥浩邦、栢天男、張建聲重提拍戲點滴,辛苦得嚟係開心嘅。

《逃獄兄弟》用逃獄做題材,飾演囚犯「新丁」嘅栢天男喺監倉慘被虐打,除咗被壓落地,用磨尖咗嘅牙刷拮手指、扯頭髮欺凌外,仲被譚耀文以鐵鎚隔著木板大力毆打心口,另沖涼時,被張建聲入去揸下體。導演明「醒」Adam,麥浩邦笑住解釋說,「因為入獄前佢係一位年輕才俊,佢咁高大靚仔,最有說服力。」


Adam坦承係拍戲以嚟最大考驗一次,但見每位男演員都咁有勇氣,惟有豁咗出去,「我相信佢哋個個都會錫住我,唔會打面…咁多!最難忘拍『心口碎大石』場口時,我叫譚耀文唔好留力,咁先拍到有火花;而拮手指嗰幕戲,意外地變咗假戲真做,真係刺傷流血,痛到我發惡夢,重現呢個畫面。」

其中有場戲講Adam獄中第一次沖涼時被張建聲搞,Adam展示了八塊腹肌靚body。
其中有場戲講Adam獄中第一次沖涼時被張建聲搞,Adam展示了八塊腹肌靚body。
張建聲為拍呢套戲都有操肌,但身形自愧不如Adam。
張建聲為拍呢套戲都有操肌,但身形自愧不如Adam。

至於張繼聰及張建聲異口同聲大讚身形Adam最掂,張建聲笑說:「嗰場栢天男沖涼戲,我要入去搞佢,『甩』過佢八筒(腹肌),我個Body同佢冇得鬥呀!」對此,Adam笑說:「你哋個個都咁有型,我只好攝位去證明自己啦!為咗拍呢場戲,我狂操肌,仲要係咁食蛋白質。」片中阿聰反而係人生最肥時期,體重接近200磅,睇返肥佬跑姿連自己都唔認得,而他最驚一幕係逃獄時吊喺一樓高嘅道具通風管,因為重量問題,風管頂兩邊擺動好牙煙,真係拍緊有血有汗嘅辛苦戲。

Adam邊掙扎邊被壓落地兼拮手指,混亂中他真係拮到出血,痛到他大叫,相當入戲。
Adam邊掙扎邊被壓落地兼拮手指,混亂中他真係拮到出血,痛到他大叫,相當入戲。
Adam話拍呢場被阿譚用鐵鎚隔住木板「心口碎大石」,他咬實牙關豁咗出去。
Adam話拍呢場被阿譚用鐵鎚隔住木板「心口碎大石」,他咬實牙關豁咗出去。
其中有場重頭戲喺赤柱海邊操場拍攝,當天寒流到港,着住短衫短褲囚衣嘅演員凍到震。
其中有場重頭戲喺赤柱海邊操場拍攝,當天寒流到港,着住短衫短褲囚衣嘅演員凍到震。
張繼聰、張建聲吊喺一樓高嘅道具通風管拍攝,因為重量問題,愈拍愈驚。
張繼聰、張建聲吊喺一樓高嘅道具通風管拍攝,因為重量問題,愈拍愈驚。
其他文章
hd