首頁 即時娛樂

【頭條獨家】盛勁為陸煥恆承諾唔會亂搞緋聞 麥大力恨拍劇想做袁偉豪2.0

28/02/2021 19:50:00
麥大力、盛勁為及陸煥恆想做成功演員,大力希望將來成為袁偉豪2.0。
麥大力、盛勁為及陸煥恆想做成功演員,大力希望將來成為袁偉豪2.0。

因為疫情,麥大力、盛勁為及陸煥恆去年離開航空業轉投娛樂圈,34歲的混血兒麥大力擁有燦爛笑容最有觀眾緣;麥明詩緋聞男友盛勁為人氣最旺;陸煥恆大大隻亦好吸引!TVB正鬧小生荒,三人都好期待有攝位機會,所以向公司承諾會建立正氣形象,檢點私生活,唔會亂搞男女關係。採訪:方騫平 攝影:梁志明

陸煥恆、麥大力、盛勁為今年難得留港過新年,希望喺新一年可一炮而紅。
陸煥恆、麥大力、盛勁為今年難得留港過新年,希望喺新一年可一炮而紅。
大力好鍾意袁偉豪喺《使徒行者3》嘅演出,大讚阿Ben好靚仔。
大力好鍾意袁偉豪喺《使徒行者3》嘅演出,大讚阿Ben好靚仔。

TVB《衝上雲霄大選》得主麥大力、盛勁為及陸煥恆好老友,冠軍麥大力率先獲派明珠台工作,同索女陳約臨做主持,但盛勁為及陸煥恆冇妒忌,不時教大力廣東話,𠵱家大力進步神速,勉強應付到。

大力鍾意亞洲女仔
做飛機師十年,今年麥大力終於有機會留港陪家人過年,好受女仔歡迎嘅大力自爆從未帶過女仔見婆婆:「因為要先過阿媽嗰關,不過,見過媽咪嘅女仔,一隻手都數得晒,而我鍾意亞洲女仔。」盛勁為形容2020年好得意,有機會轉到行:「希望快啲做到合格演員,趁住TVB小生荒,最好同到喺《衝上雲霄大選》中有接觸嘅馮盈盈一齊演出,咁樣會舒服同開心啲。」陸煥恆指目前生活模式同以前好唔同:「我對呢行好陌生,經過多月訓練先開始習慣面對鏡頭。」大力最想成為袁偉豪2.0:「佢好型又靚仔,而且好真性情,好恨同佢合作,(但Ben畀網民批評係「醜男」喎!)台慶嗰晚我等咗好耐同佢影相,我覺得OK喎,我真係鍾意佢㗎!」

麥大力未帶過女仔見婆婆,他否認因為眼角太高。
麥大力未帶過女仔見婆婆,他否認因為眼角太高。
麥大力率先獲派明珠台工作,同索女陳約臨齊做主持。
麥大力率先獲派明珠台工作,同索女陳約臨齊做主持。

成為公眾人物後,三位型男都唔敢亂搞緋聞影響形象,陸煥恆說:「我哋好乖仔嘅,而且我有女友。」盛勁為笑說:「我都想多女,但真係冇乜,因為冇時間出街,不過,𠵱家講嘢都會小心啲。」大力認真地回答:「我哋好正經,以前做機師時有道門隔住,唔會有女仔容易埋到身!」

麥大力、盛勁為都好鍾意情格活潑嘅馮盈盈。
麥大力、盛勁為都好鍾意情格活潑嘅馮盈盈。
大力都想同龔嘉欣合作。
大力都想同龔嘉欣合作。
盛勁為同胞姐合照,基因非常唔錯。
盛勁為同胞姐合照,基因非常唔錯。
陸煥恆有個穩定女友,情人節更喺社交網放閃。
陸煥恆有個穩定女友,情人節更喺社交網放閃。
其他文章
hd