首頁 即時娛樂

【頭條獨家】恨追牛B 符曉薇投訴唔夠勤力造人嘥卵 陳柏宇呻:唔通晚晚做呀

02/03/2021 20:06:00
Jason和Leanne恨追牛B,但Leanne投訴老公唔夠勤力造人嘥卵,搞到Jason大呻:「唔通晚晚做呀!」
Jason和Leanne恨追牛B,但Leanne投訴老公唔夠勤力造人嘥卵,搞到Jason大呻:「唔通晚晚做呀!」

陳柏宇(Jason)17年跟符曉薇(Leanne)結婚,翌年誕下囡囡陳羿辰(Abigail),一切以囡囡為先,可惜遇上疫情被迫經常匿埋屋企,踏入牛年他們最想囡囡可順利返幼稚園。Abigail太得意,兩人都想牛年追多個,不過Leanne去年中切除左邊輸卵管,令受孕機會大減,唯有每個月計住排卵期造人,令Jason大感壓力。兩夫妻訪問時不停互窒勁耍花槍,睇嚟好快有好消息啦!撰文:杜淑霞 攝影:譚壹致 形象:Queenie Yu(Jason) 髮型:Alex So (the attic)(Jason) 化妝:Jessica Chan(Jason)

Jason和Leanne見Abigail太得意,都想牛年追多個BB。
Jason和Leanne見Abigail太得意,都想牛年追多個BB。
Leanne講到趕排卵期造人,Jason即搞鬼做個被鞭打動作。
Leanne講到趕排卵期造人,Jason即搞鬼做個被鞭打動作。



陳氏夫婦覺得鼠年對小朋友影響特別大,Leanne說:「我哋不嬲都冇諗住畀Abi(囡囡暱稱)讀M班,諗住佢未返K1就同佢去旅行,學多啲、睇多啲,用眼睛去自己感受,但係冇得飛,佢見到小朋友好鍾意,就決定畀佢返學前班玩吓。」不過Jason認為這段日子也有好處,「唔出得街,少咗工作多咗思考機會,又多啲同屋企相處機會,唔係all bad嘅!」



Jason早前自爆受疫情影響搞到快要乞食,他承認入不敷支,使緊之前積儲。Leanne說:「我諗呢一年個個都係咁!(陳:你唔係呀!)」講完兩夫妻相視而笑。Leanne即識做狂讚老公,「爸爸比較大壓力,爸爸搵嘅錢要攞嚟養屋企,我搵嘅錢冇話要擺喺屋企嗰邊,爸爸呢樣嘢好好㗎!」Jason聽完仍忍唔住呻,「我唔想㗎!(老婆攬住他笑得勁尷尬)其實我冇得揀咋!我梗係想你幫吓手照顧吓屋企啲起居飲食啦!(符:乖!乖!)」

Jason被Leanne投訴唔夠勤力造人,即搞笑反問對方係咪要晚晚造。
Jason被Leanne投訴唔夠勤力造人,即搞笑反問對方係咪要晚晚造。
近排見疫情回穩,Jason先夠膽帶Abi外出。
近排見疫情回穩,Jason先夠膽帶Abi外出。



兩公婆俾囡囡冧爆


踏入新一年,兩人最想Abi在9月順利返幼稚園,Leanne說:「上zoom對咁細個小朋友唔見效,呢個年紀好多嘢係感觀性,唔想佢喺K1都係對住部電腦,同埋佢share嘢好差,乜都話is mine。」不過兩人都有俾Abi冧爆時候,「佢掛住你嘅時候,去接佢放學係會喊。」Leanne爆其實Jason好享受同Abi這種重逢情景,「佢enjoy《藍色新生戀》咁!而我有日換完衫去做嘢,Abi話mummy you are so pretty!我哋喺度狂笑。」超得意的Abi,令兩夫妻想再生B,可惜Leanne去年中懷第二胎後,因宮外孕致輸卵管爆裂,要切除左邊輸卵管令受孕機會大減。Leanne說:「邊有努力過!(Jason鬼馬做被鞭打動作)老公同我講唔好咁大壓力畀佢!我都唔知努力呢個字,襯唔襯得起喺我哋身上!(陳:你想點呀?晚晚做呀?!)我驚miss咗個黃金時間!(陳:你成日計住個黃金時間已經係壓力啦!)嘥氣!浪費我青春呀!有一個月我真係好嬲,成日miss咗黃金時間,浪費緊我啲卵呀,哈哈!」不過,快將38歲的Jason坦承只會追到40歲,因不想跟小朋友年齡相差太遠,但生仔定女都冇所謂。

平日冇機會出街,Jason就喺屋企度橋同囡囡玩。
平日冇機會出街,Jason就喺屋企度橋同囡囡玩。
去年8月,Leanne在社交網公開6月懷第二胎時,因宮外孕致輸卵管爆裂要切除左邊輸卵管。
去年8月,Leanne在社交網公開6月懷第二胎時,因宮外孕致輸卵管爆裂要切除左邊輸卵管。
由於Abi頗黐身,Jason和Leanne有時開工都會帶埋佢。
由於Abi頗黐身,Jason和Leanne有時開工都會帶埋佢。
Leanne謂Abi好有性格,沖涼首選要媽咪陪。
Leanne謂Abi好有性格,沖涼首選要媽咪陪。
其他文章
hd