首頁 即時娛樂

【頭條獨家】紅館開Show成就肥妹傳奇 林二汶強調做人一定要有夢想

03/03/2021 21:30:00
林二汶終殺入紅館,於本月27及28日開show。
林二汶終殺入紅館,於本月27及28日開show。

38歲的林二汶之前為《全民造星III》擔任導師,人氣高企,更令入行20年的她首奪商台「叱咤樂壇我最喜愛的女歌手」獎。二汶即刻「找數」,宣布3月27、28日舉行首個個人紅館騷,是人生第一個超過1000位觀眾嘅大騷,亦是今年第一個紅館騷!二汶開心成就咗肥妹傅奇:「我希望大家唔好唔記得發夢,因為人可以有夢想,夢想係免費嘅,但點樣可以將夢想變為一樣有價值嘅嘢,呢樣嘢係我20年嚟不斷做緊嘅事。」採訪:方騫平 攝影:譚壹致 化妝::Kris Wong 髮型:Derrick [email protected] workshop 形象:Kee Chung 服裝:wagamamaplayground 場地:香港海洋公園萬豪酒店

林二汶坦承中途有諗過放棄,但愈做愈有興趣。
林二汶坦承中途有諗過放棄,但愈做愈有興趣。
林二汶入行20年,今年首度奪得「叱咤樂壇我最喜愛的女歌手」獎。
林二汶入行20年,今年首度奪得「叱咤樂壇我最喜愛的女歌手」獎。

二汶殺入紅館,外間反應不一,有望穿秋水鐵粉,亦有人質疑她資格,甚至話唔想再演變成有確診嘅「乜乜群組」。林二汶即緊張說:「我啋!冇群組!一定係政府話ok,大家覺得安全先開,唔會勉強去做,所以都辛苦製作同主辦團隊不斷開會update,做多手準備。」


對於有評論質疑二汶做一個節目導師就可以上紅館?她有話說,「如果大家有呢啲反應都好正路呀!(唔開心?)我係一個好有自知之明嘅人,以往一定有人好啲,有差啲,有人到位,有人未到位!因為喺每一個人心中,認受性都唔一樣,學城城話齋,就算得一個觀眾,我都會畀心機唱落去,可能個『資格』喺我做完紅館騷之後,先更加有呢?我唔可以對我信任嘅人,錯過呢個機會。」她坦承由體形到形象都同一般女歌手唔同,希望藉她有機會踏上呢個舞台,大家都唔好唔記得發夢。

林二汶之前為ViuTV真人騷《全民造星III》擔任A組導師,人氣高企。
林二汶之前為ViuTV真人騷《全民造星III》擔任A組導師,人氣高企。
問到未能跟盧凱彤齊開紅館Show係咪最遺憾?二汶感觸說:「最遺憾係失去咗一位好朋友,會永遠掛住佢!」
問到未能跟盧凱彤齊開紅館Show係咪最遺憾?二汶感觸說:「最遺憾係失去咗一位好朋友,會永遠掛住佢!」

提到入行唱足20年,二汶愈做愈有興趣:「我覺得任《造星III》導師有啲似升咗職做經理咁,有啲靚仔畀我管吓,指派佢哋做適合Project,同年紀打工嘅人,我都應該升到上主管級位置,而中間會諗『究竟我仲應唔應該留喺呢間公司?』所以期間試過做主持、錄廣告vo、電影配樂,惟一冇變,做所有嘢都係圍繞我把聲而做。」

林二汶去年二月曾於台灣跟岑寧兒開show,當時請咗小塵埃做嘉賓。
林二汶去年二月曾於台灣跟岑寧兒開show,當時請咗小塵埃做嘉賓。
林二汶強調喺安全情況下舉行紅館show,唔怕出現「演唱會群組」。
林二汶強調喺安全情況下舉行紅館show,唔怕出現「演唱會群組」。
2018年,二汶喺麥花臣開個唱,當時流露住對故友盧凱彤嘅思念。
2018年,二汶喺麥花臣開個唱,當時流露住對故友盧凱彤嘅思念。
其他文章
hd