首頁 即時娛樂

盼演藝家族齊亮相 林曉峰暫時唔請曾志偉跨台演出

04/03/2021 13:15:00
林曉峰與外甥女西瓜合作,仲想搵埋舅父狄龍同表弟譚俊彥加入,但暫時唔搵獎門人志偉。
林曉峰與外甥女西瓜合作,仲想搵埋舅父狄龍同表弟譚俊彥加入,但暫時唔搵獎門人志偉。

林曉峰(阿 Lo)與家姐林珊珊大女西瓜(李澄)為電視台拍攝系列式宣傳片,雖然兩舅甥合作機會不多,但就算一鏡到底也難不到他們。西瓜說:「阿Lo拍過呢個宣傳系列,所以駕輕就熟,而且同佢又合作過,我哋喺屋企時,佢亦試過帶住我哋一齊練習拍嘢,不過次次都俾媽咪打斷潑我冷水。但係今日都有少少壓力,因為要一鏡直落,要排練走位,好彩同阿Lo好有默契,所以呢個鏡頭一日之內拍晒,成條片都係拍咗4日半。」
阿Lo指已是第二次跟西瓜合作,之前去過杜拜拍旅遊特輯。他說:「呢個系列嘅電視宣傳片,由第一輯我已經開始拍,今次第二輯就搵埋西瓜一齊,但係負責畫外音嗰位高人(林海峰)就仍然係見聲唔見人。」西瓜立即插嘴說:「咁第三輯一定要搵埋媽咪(林珊珊),佢應該恨咗好耐,我都好期待喺鏡頭前面話返佢『爭住睇電視』、『唔畀我煲劇』。」
阿Lo和應説:「咁重有我舅父啦(狄龍)表弟啦(譚俊彥)我大佬 (林海峰)都可以邀請佢哋一齊出現喺呢個屋企,咁就好啦。不過我就暫時唔會邀請曾志偉先生嚟加入拍攝,等佢喺嗰邊做耐啲先啦,聽講話新簽約嘅歌手可以自由亮相其他電視台,咁希望未來演員、工作人員都得啦,成個香港演藝圈大融和就好啦。」

林曉峰拍第二輯駕輕就熟。
林曉峰拍第二輯駕輕就熟。
林曉峰與西瓜兩舅甥難得合作。
林曉峰與西瓜兩舅甥難得合作。

其他文章
hd