首頁 即時娛樂

【頭條獨家】忘記新抱有喜險撞白事犯禁忌 薛家燕臨時缺席達哥紀念特輯表歉意

05/03/2021 08:45:00
家燕姐臨時缺席達哥紀念特輯表示歉意,她亦不便參與達哥喪禮。
家燕姐臨時缺席達哥紀念特輯表示歉意,她亦不便參與達哥喪禮。

薛家燕踏入牛年旺到不得了,喺情人節當日宣布將榮升做嫲嫲,而由她帶領林盛斌、馮盈盈、區永權、張秀文組成主持嘅TVB節目《天天開運王》,因為反應好添食多5集。

險些犯禁獲吳麗珠提醒

一代「黃金配角」吳孟達因肝癌去世,剛入主TVB嘅曾總(曾志偉)即舉辦直播特輯《無可比擬的演藝泰斗 永遠懷念吳孟達》,由一班跟達哥共事過嘅無線第3期藝訓班學員羅冠蘭、麥鎮江、伍潤泉、鄧英敏及合作過的吳麗珠、苑瓊丹等細說從前。原來家燕姐係紀念特輯嘉賓之一,當晚她錄完《天天開運王》後過準備去換衫,喺錄外碰見吳麗珠、馬海倫,二人還恭賀她快將做嫲嫲。此刻吳麗珠突然溫馨提示,指她家有喜事,不便現身紀念特輯,薛家燕才一言驚醒,即致電向李丞責了解,丞丞師傅也表示不主張,最後喺節目直播前15分鐘取消家燕姐呢part,臨時由嘉賓講多兩句填上:「講返件事都唔係幾好意思,好彩得到體諒,不過,有海外報章刊登我同馬海倫及田啟文喺廠外嘅合照,因為唔知出現咗啲問題,見我着住紅色衫現身就覺得好奇怪!」

對好演員離逝感慨萬千

家燕姐跟吳孟達係老朋友,兩人好有淵源:「1978年6月23日上映嘅電影《狗咬狗骨》,係我搵吳孟達演出,套戲仲有我同黎小田、繆騫人主演。之後我同達哥較少聯絡,直至《食神》重遇。」家燕姐指達哥係好演員,對他離逝表示遺憾:「近年譚炳文、李香琴、黎小田、吳孟達等離逝,傳媒個個都問我回應,唉,好感慨,答到都唔想答!」

當晚家燕姐錄完《天天開運王》過廠後跟馬海倫及田啟文合照,但最後她冇入廠。
當晚家燕姐錄完《天天開運王》過廠後跟馬海倫及田啟文合照,但最後她冇入廠。
《無可比擬的演藝泰斗永遠懷念吳孟達》悼念特輯,一班藝訓班同學亮相節目緬懷吳孟達。
《無可比擬的演藝泰斗永遠懷念吳孟達》悼念特輯,一班藝訓班同學亮相節目緬懷吳孟達。

1978年6月23日上映嘅電影《狗咬狗骨》,係由家燕姐邀請達哥演出。
1978年6月23日上映嘅電影《狗咬狗骨》,係由家燕姐邀請達哥演出。
家燕姐跟吳孟達係老朋友,兩人好有淵源。
家燕姐跟吳孟達係老朋友,兩人好有淵源。

TVB節目《天天開運王》,因為反應好添食多5集,薛家燕跟玄學家楊皓雲、李丞責、麥玲玲、陳定幫再錄影。
TVB節目《天天開運王》,因為反應好添食多5集,薛家燕跟玄學家楊皓雲、李丞責、麥玲玲、陳定幫再錄影。
其他文章
hd