首頁 即時娛樂

【頭條獨家】拍許鞍華紀錄片《好好拍電影》 文念中感動到喊住剪片

04/03/2021 22:00:00
文念中執導許鞍華為主角的紀錄片《好好拍電影》,坦承片中有不少感動位令他喊住去剪片。
文念中執導許鞍華為主角的紀錄片《好好拍電影》,坦承片中有不少感動位令他喊住去剪片。

美術指導出身的文念中,首次執導電影《好好拍電影》,紀錄了香港著名導演許鞍華(Ann)的光影人生。02年兩人首度合作電影《男人四十》,20年來文念中看着Ann對電影付出所有,他好想紀錄給後輩參考。拍攝電影過程得到Ann全力配合,相當順利,但剪接時卻令文導演喊了多次,只因有太多感動內容。撰文:杜淑霞 攝影:李維隆

提到電影最有趣內容,文念中認為是Ann接地氣一面,「佢會考慮整容整啲咩,又話想搵教練練番啲線條,但轉頭走去食菠蘿包。」
提到電影最有趣內容,文念中認為是Ann接地氣一面,「佢會考慮整容整啲咩,又話想搵教練練番啲線條,但轉頭走去食菠蘿包。」
(2)文念中和Ann先後合作過4部電影,包括02年《男人四十》、11年《桃姐》、16年《明月幾時有》,以及14年相中這部《黃金時代》。
(2)文念中和Ann先後合作過4部電影,包括02年《男人四十》、11年《桃姐》、16年《明月幾時有》,以及14年相中這部《黃金時代》。




文念中透過看電影《胡越的故事》及《投奔怒海》已欣賞Ann,到成為工作伙伴,對她的工作態度更為佩服,「佢每個戲都會親自畫晒所有分鏡,佢真係好勤力,尤其係《黃金時代》我哋拍咗5個幾月,佢畫嗰叠分鏡有成寸厚,佢對電影嘅投入,專注態度令到我好欣賞,所以有日同同事傾開,咁少香港電影人嘅紀錄片,大家覺得好想為許導演拍個紀錄片。」

文念中透露Ann有睇初剪,「佢最擔心講錯嘢,唔想得罪人,同埋唔想拍得佢媽咪太難睇。」
文念中透露Ann有睇初剪,「佢最擔心講錯嘢,唔想得罪人,同埋唔想拍得佢媽咪太難睇。」
文念中形容愛坐公共交通工具的Ann,好接近生活,「佢係我哋身邊出現嘅人物,呢套戲可以當係香港普通嘅勵志故事,唔係大導演嘅成長故仔。」
文念中形容愛坐公共交通工具的Ann,好接近生活,「佢係我哋身邊出現嘅人物,呢套戲可以當係香港普通嘅勵志故事,唔係大導演嘅成長故仔。」




16年文念中為Ann執導的《明月幾時有》做美指,他徵求Ann同意拍紀錄片,但答案出呼意料,「我send message畀佢話『導演,我想拍個你嘅紀錄片?』因太熟拒絕都冇咁尷尬,佢即刻覆番我,『可以,你咪拍囉!我驚你拍出嚟冇人睇啫!』佢覺得70歲老人家點會有人睇啫!但係我做呢件事唔係商業考慮,只覺得Ann作為一個香港導演,喺香港電影工業裏面,佢嘅作品或者創作路向,又唔係好同主流導演,好特別,好想紀錄低,如果新入行嘅電影新力軍,想對上一代導演有多啲了解,透過呢啲電影會知道多啲。」文念中邀請圈中人訪問,看到Ann人緣極好,「徐克、施南生、陳果、楊凡、張艾嘉,講起Ann言談間好愛錫佢。」正因訪談真情流露,文念中剪接時經常剪到喊,「剪片過程有9個月咁耐,到𠵱家上映每次睇,都有唔同嘅位令感情湧住湧住眼濕濕。」

張艾嘉等電影人接受訪談時,表現出好愛錫Ann。
張艾嘉等電影人接受訪談時,表現出好愛錫Ann。
電影首映禮,林家棟都有支持,但文念中謂Ann原來還未看電影完整版,「佢怕出嚟好多人問佢,話上映時會一個人靜靜雞去睇。」
電影首映禮,林家棟都有支持,但文念中謂Ann原來還未看電影完整版,「佢怕出嚟好多人問佢,話上映時會一個人靜靜雞去睇。」
其他文章
hd