首頁 即時娛樂

【頭條獨家】台灣投資6位數開食肆 黃美棋鍾健威慘變虛擬老闆

04/03/2021 23:00:00
黃美棋和鍾健威在台灣投資6位數開食肆,慘變虛擬老闆。
黃美棋和鍾健威在台灣投資6位數開食肆,慘變虛擬老闆。

黃美棋最近相隔17年再在《陀槍師姐2021》飾演「程莎莎」,原來有此機會美棋要感謝滕麗名幫口,而一直恨演戲的她,最近決定放棄主持《流行都巿》想專心拍劇。講到跟男友鍾健威(Ray)去年底在台灣各投資6位數開食肆做老闆,可惜因疫情未能親身巡舖,她更無奈指跟首任老闆的Ray只是個虛擬老闆。撰文:杜淑霞 攝影:張詠森





31歲的美棋外形仍然青春,她也承認對演繹角色可能有限局。
31歲的美棋外形仍然青春,她也承認對演繹角色可能有限局。
相隔17,美棋再跟滕麗名和朱咪咪合作,她坦承一拍熟識感覺就回來。
相隔17,美棋再跟滕麗名和朱咪咪合作,她坦承一拍熟識感覺就回來。




美棋15歲時拍《陀槍師姐4》首演「程莎莎」,今次原來差點機會落空,「上年8月經理人同我講有機會拍,我好開心,但後尾又話劇本調動冇咗,但冇耐又話有番,好似過山車咁,拍完時阿滕(滕麗名)同我講番,原來佢有份提議畀監製叫我做番,我返屋企喊咗好耐,真係好多謝佢,其實呢個角色任何都可以做,亦都多謝監製聽取佢嘅意見,對我意義幾大。」

美棋很感激阿滕向監製提議搵她演出,因她已兩年冇拍劇。
美棋很感激阿滕向監製提議搵她演出,因她已兩年冇拍劇。
拍《陀槍師姐4》時,美棋只有15歲,她笑指高度沒變過。
拍《陀槍師姐4》時,美棋只有15歲,她笑指高度沒變過。



童星出身的美棋,坦承一直好鍾意演戲,雖然被批外形局限了角色,但她認為就算再做好似今次「程莎莎」的18歲靚妹,一樣唔介意。恨拍劇的她,最近更毅然放棄主持《流行都巿》,「我好鍾意拍劇個滿足感係好大,當你接到角色揣摩點樣去演,嗰份成功感係令我再入番呢行嘅原因。」



談到新一年目標,她自爆原來去年底第三度做老闆,在台灣中山區開設港式餐廳,但因疫情關係仍未親身去過,「我長期願望係拍劇,新年願望係過到台灣巡舖,起碼望吓咩樣,同埋試吓啲嘢食。」原來今次男友Ray都有份投資,更是首任老闆,「佢𠵱家都唔知係咪畀人呃緊,哈哈!電話欺騙咁,搞到自己都唔記得有間餐廳,變咗虛擬老闆。」美棋承認兩人感情穩定,但疫情關係未敢諗結婚,最快要到2023年,因想圓媽咪心願做足傳統儀式,「我哥哥娶咗個日本老婆,家姐就嫁咗個澳洲老公,希望喺我身上媽咪可以滿足到心願。」

美棋跟Ray去年底在台灣做老闆,但目前仍未有機會巡舖。
美棋跟Ray去年底在台灣做老闆,但目前仍未有機會巡舖。
美棋為專心拍劇,寧願放棄主持《流行都巿》。
美棋為專心拍劇,寧願放棄主持《流行都巿》。
其他文章
hd