首頁 即時娛樂

講3次好失望被誤傳婚變 葉翠翠遷怒老公:想一錘打扁佢肚腩

05/03/2021 17:55:00
葉翠翠同囝囝玩到撞傷個頭都笑住自拍,但見老公拒減肥仲喪食雪條就不悅。
葉翠翠同囝囝玩到撞傷個頭都笑住自拍,但見老公拒減肥仲喪食雪條就不悅。

葉翠翠於2015年嫁給建築師周曉東,婚後誕下三子,減少幕前演出,成功轉型做KOL,並專注照顧家庭。不過翠翠日前在社交網留言三度說「好失望」,並指為家傾盡所有,毫無保留,即引起網民揣測她與老公似出現問題。
翠翠昨日發文解釋:「真係估唔到,簡單一句『好失望』會另(令)大家諗咁多嘢,在淡淡的湖水泛起了漣漪。其實當日係關於工作,唔明點解有人可以連奶粉錢都要呃,扮同你做朋友其實係有目的,對呢個人好失望…唔多講了,一言難盡。」貼上老公和仔仔對視而笑溫馨照的翠翠續謂:「至於爸b 呢…減肥失敗,半夜食雪條食薯片飲汽水,又懶唔做運動,佢話係幸福肥喎,真係想一錘打扁佢肚腩 係絕望唔係失望 搞到我啲說服力低晒,連自己老公都減唔到個大肚腩叫人哋點信我啫 講明先呀,係爸b 拒絕減肥,唔係我啲方法唔得」。
然後翠翠再貼老公抱住囝囝都擔任支雪條做證,留言:「放工返屋企就即刻食雪條 就算一日一條都冇問題,一日4條就有問題 決定今日開始練習還原靚靚拳,一拳打扁佢個肚腩 練成再教大家」。

老公放工回家幫手湊仔,口罩印都未退就拎住雪條食。
老公放工回家幫手湊仔,口罩印都未退就拎住雪條食。
翠翠老公話係幸福肥。
翠翠老公話係幸福肥。

其他文章
hd