首頁 即時娛樂

【10秒KO喎】揚言要教訓「賤畜」林作 鍾培生驚打死人想搵殯儀館贊助

05/03/2021 19:14:00
鍾培生稱10秒就可KO林作!
鍾培生稱10秒就可KO林作!

百億富三代鍾培生和林作的「百萬擂台戰」記者會,今午在前者的淺水灣大宅花園舉行,吸引大批傳媒到場採訪,場面墟冚!日前,林作公開獲母親王莉妮批准迎戰的片段,片中林媽媽更力撐囝囝:「我一定支持你,打爆佢,你一定要爭氣,贏番嚟!」而今日她也親身到場支持,林作母子甫抵達即借廁所,後又跟媽咪在花園視察環境。

席間,林作全程表現嘻皮笑臉,鍾培生則對他不屑一顧,幾乎冇正眼看過林作,仲不時爆粗大罵林作,火藥味濃!鍾培生稱2018年首次參加拳賽後,林作是其對手之中最弱的一個,但自己也會積極備戰,又寸爆林作:「如果我認真打,10秒就可以打低佢!」不過,鍾培生表示會拖慢來打折磨對方,他續道:「我會喺台上揼佢、羞辱佢,先打佢個嘴再打身體,等佢俾人抬出擂台!」

鍾培生(右)和林作的「百萬擂台戰」記者會今日舉行。
鍾培生(右)和林作的「百萬擂台戰」記者會今日舉行。
記者會吸引大批傳媒到場採訪,場面墟冚!
記者會吸引大批傳媒到場採訪,場面墟冚!


雖然雙方口水戰超過半個月,但二人今日先第一次見,鍾培生繼續攻擊林作:「望住佢嘅態度、衣着同髮型,成Pat屎咁,好難唔燥,個個都想打佢!」對於網民質疑他們夾份做騷,鍾培生強調:「之前已經解釋過,點夾都唔會同垃圾夾。我媽媽同嫲嫲都有幫佢唸經,叫我唔好打死人,鍾家做好多善事,但我唔會就住嚟打,我本來想搵殯儀館Sponsor,但而家覺得搵輪椅更好!而且佢經常欺負弱者,佢嘅舊同事都有向我訴苦,佢係賤畜係賊,我係教訓小動物。」

席間,林作(左)全程表現嘻皮笑臉,鍾培生則對他不屑一顧.仲不時爆粗大罵林作,火藥味濃!
席間,林作(左)全程表現嘻皮笑臉,鍾培生則對他不屑一顧.仲不時爆粗大罵林作,火藥味濃!
鍾培生直斥林作是「賤畜」和「賊」,自己只是教訓小動物。
鍾培生直斥林作是「賤畜」和「賊」,自己只是教訓小動物。


賽事將由鍾培生的公司負責製作,目前正邀請不同的拳手參與盛事,又會邀請知名藝人和樂隊表演,故到時會售票及安排觀眾入場觀戰,收益將捐給不同的慈善機構。鍾培生指,不排除邀請林作女友裕美做表演嘉賓,問到有否和解機會?他說:「有咩好傾?佢學識做男人之後,我都可以嘗試了解佢。」至於萬眾期待的「林鍾一戰」暫定於9月舉行,賽事以4回合,每回合2分鐘進行。

林作獲母親王莉妮現身撐場
林作獲母親王莉妮現身撐場
鍾培生稱2018年首次參加拳賽後,林作是其對手之中最弱的一個。
鍾培生稱2018年首次參加拳賽後,林作是其對手之中最弱的一個。
鍾培生指媽咪(右)及嫲嫲(左二)都有幫林作唸經,還叫他不要打死人。
鍾培生指媽咪(右)及嫲嫲(左二)都有幫林作唸經,還叫他不要打死人。
鍾培生稱不排除邀請林作女友裕美(右)做拳賽表演嘉賓。
鍾培生稱不排除邀請林作女友裕美(右)做拳賽表演嘉賓。
其他文章
hd