首頁 即時娛樂

【林鍾一戰下集】估媽咪裕美都買鍾培生贏 林作十拿九穩:冇諗過打輸

05/03/2021 20:18:00
林作話冇諗過打輸,但相信媽咪和女友都會買鍾培生贏。
林作話冇諗過打輸,但相信媽咪和女友都會買鍾培生贏。

林作與百億富三代鍾培生今午現身「百萬擂台戰」記者會,攜同媽咪王莉妮到場的林作全程嘻皮笑臉,不過鍾培生就起勢寸爆他!早前自稱為「普通香港市民」向權貴階級出一口氣的林作,表示雖然欠缺打拳經驗,但認為擂台戰是反映普通人對權貴的表現,讓香港人知道香港不能避免分裂,更叫大家公投誰會勝出。

提到合約條款之一:「鍾培生同意無論賽事結果,均需於賽後向林作支付表演/出賽費用港幣一百萬元正。」林作直言贏輸都有100萬袋非常吸引,並笑指媽咪比他更睇重100萬元,他說:「佢叫我快啲打,仲以為今日就要打,我覺得屋企人唔鍾意我。」語畢即被鍾培生揶揄:「全世界都唔鍾意你!」林作反擊指自己還有女友裕美和愛犬喜歡他,又謂來到鍾培生大宅才覺得自己很窮,搞笑稱要和媽咪回家檢討。

林作直言贏輸都有100萬袋非常吸引。
林作直言贏輸都有100萬袋非常吸引。
「百萬擂台戰」記招在鍾培生(右)位於淺水灣南灣道的大宅舉行,林作稱來到鍾宅才覺得自己很窮。
「百萬擂台戰」記招在鍾培生(右)位於淺水灣南灣道的大宅舉行,林作稱來到鍾宅才覺得自己很窮。


問到有否信心打贏?林作說:「好有信心,十拿九穩,我嘅贏面係6比4,我6佢4。」並感激鍾培生給予足夠時間訓練,稍後會接受向柏榮師傅的訓練,他續道:「我下星期開始操,會打得好,我又有身高、體重、運動細胞呢啲優點。我冇諗過打輸,更冇諗過會死,而家腦海中嘅畫面都係贏咗之後要點挽回佢嘅顏面。能引起鍾培生對我嘅興趣,係我現時人生中最大嘅成就。」

林作媽咪王莉妮都有到場撐囝囝。
林作媽咪王莉妮都有到場撐囝囝。
林作指媽咪王莉妮(左)以為今日打,又謂對方比他更睇重100萬元拳酬。
林作指媽咪王莉妮(左)以為今日打,又謂對方比他更睇重100萬元拳酬。


對於鍾培生稱唔會就住嚟打,其家人叫他唔好打死人,問到會否立遺囑?林作即Hardsell保險:「冇,買多份人壽,保險最實際。」又透露保險受益人是裕美,因媽媽已很有錢。講到鍾培生是大熱賠率1賠1,他就1賠7,林作笑指自己代表香港最好的投資機會,但相信媽媽和女友都會買鍾培生贏。

裕美買多份人壽,保險最實際。」又透露保險受益人是裕美,
裕美買多份人壽,保險最實際。」又透露保險受益人是裕美,
林作下星期開始受向柏榮師傅的訓練。
林作下星期開始受向柏榮師傅的訓練。
其他文章
hd