首頁 即時娛樂

【頭條獨家】唔亂使錢行名店得個睇字 單文柔上圍豐滿肚凸凸行街

06/03/2021 07:30:00
一身名牌嘅單文柔有個肚腩仔,一眼就望到都幾突出。
一身名牌嘅單文柔有個肚腩仔,一眼就望到都幾突出。

囡囡小豬比(Quinta)就快兩歲,單文柔仲後生得30歲,有仔趁嫩生,所以明白陳展鵬點解要睇中醫調理身體。日前《頭條日報》記者見到陳太單文柔同鍾晴去銅鑼灣行街,老公搵到錢,陳太連環行咗兩間名店,睇袋又揀首飾,不過時勢唔好,奢侈品可免則免,陳太好乖冇入手,行完街就Call車返歸,細心啲望,陳太有個肚腩仔,上圍又好澎湃,係抗疫肥定有咗呢? 採訪:梁志明

單文柔行LV,呢個側身可見佢上圍好豐滿。
單文柔行LV,呢個側身可見佢上圍好豐滿。
兩女一齊揀首飾,單文柔都揀到幾入神。
兩女一齊揀首飾,單文柔都揀到幾入神。

之前有報道話陳展鵬密謀全力追仔,所以就頻頻睇中醫補腎,當事人話相中嘅佢冇戴口罩,應該係年幾前嘅舊相,不過呢段新聞刺激到44歲嘅佢同老婆嘅造人計劃,他笑說:「疫情下大家顧住身體健康,本來冇諗過生仔問題,但考慮到個女喺屋企好悶,而家會順其自然,生仔都要趁後生,再過10年自己未必會生,怕無能力同小孩玩。」

喺兒童用品店睇咗一陣BB傢俬。
喺兒童用品店睇咗一陣BB傢俬。
陳太揀揀吓嘢坐低用紙巾抹眼。
陳太揀揀吓嘢坐低用紙巾抹眼。

陳太身形都幾飽滿

唔知係咪都打算再生,所以單文柔生完囡囡後都無刻意收身,當日佢同鍾晴去銅鑼灣利園食日式Pancake,之後就去睇BB傢俬,隨意望無話想買乜嘢,然後再去行LV,睇兩女舉動,應該係鍾晴想買嘢,上圍好豐滿嘅陳太陪佢,兩人係咁研究小手袋,諗咗一陣就轉去Chanel,今次就睇首飾,陳太係咁睇耳環,揀揀吓仲坐咗喺度用紙巾抹眼,最後鍾晴有嘢啱,前後行咗半個鐘就入手,再行去莎莎,有個肚腩仔嘅陳太一入去就揀口罩,買完就Call車返歸。

陳太尾站係去買口罩。
陳太尾站係去買口罩。
陳展鵬44歲生日,單文柔整咗個愛心蛋糕賀老公。
陳展鵬44歲生日,單文柔整咗個愛心蛋糕賀老公。
其他文章
hd