首頁 即時娛樂

【唐奕聰猝逝】太極現身哀悼 雷有輝:希望繼續同佢靈魂聯繫

06/03/2021 11:35:00
太極成員對Gary猝逝仍難以釋懷。
太極成員對Gary猝逝仍難以釋懷。

太極樂隊成員唐奕聰(Gary)日前(3日)疑因心臟病發猝逝,享年57歲。無線特備節目《勁歌金曲 懷念唐奕聰》進行錄影,太極樂隊現役成員雷有輝(Patrick)、鄧建明(Joey Tang)、劉賢德(HiFi德)、盛旦華(蛇仔)及朱翰博(Ricky)穿上素服出席,眾成員坦言事出突然仍然難以釋懷。
Joey Tang表示成員節目中會分享跟Gary合作30多年的點點滴滴,帶給他們的感覺及幫助。問到Gary離世前的身體狀況?Ricky坦言過去數年身體的確有點弱。蛇仔說:「2018年Gary曾經試過唞唔到氣入咗醫院,當時醫院話佢個心臟弱一啲。」Joey Tang說:「Gary係一個好堅強嘅鬥士,2018年後我同佢去過好多唔同地方,我見到嘅係佢每一朝都喺泳池度鍛鍊自己,佢想鍛鍊返自己個身體。」蛇仔透露成員們一直都有見面,最後一次見面是林建明博士的追思會,當時完全看不出有異樣。HiFi德亦提到新年前有跟Gary聯絡,談及到黑膠唱片的事宜,同樣沒有異樣。

Joey Tang、Ricky、Patrick、蛇仔和HiFi德稱腦裏全是Gary的琴聲和笑聲。
Joey Tang、Ricky、Patrick、蛇仔和HiFi德稱腦裏全是Gary的琴聲和笑聲。
太極與多位嘉賓出席《勁歌金曲 懷念唐奕聰》特輯。
太極與多位嘉賓出席《勁歌金曲 懷念唐奕聰》特輯。


談到難忘回憶,蛇仔說:「一定有!其實呢幾日我都唔係好接受到,我腦入面全部都係佢嘅琴聲。」Patrick接說:「佢嘅笑聲,佢嗰種樂觀嘅態度,同埋正能量。其實佢個人走咗,但都會留低咁有衝勁,好有動力嘅靈魂留住喺我哋每一個人嘅心裏面。呢一樣嘢係最緊要,希望大家繼續同佢嘅靈魂有聯繫。其實佢依家喺度,唔需要咁擔心咁唔開心,因為佢係一個好樂觀嘅人,佢都唔想咁樣。佢只不過係在高層次,唔係用肉身,佢用緊意念或者腦電波同我哋溝通。好犀利,大家都應該要接受,更加多啲聯繫。」

問到除了錄影此節目外,有否其他紀念活動?蛇仔說:「暫時未有計劃,我哋嘅心情仍然未平復。我哋嘅悼念暫時都係以自己為主先,其他嗰啲再打算。佢可能會畀到靈感我哋,唔知道會點,但暫時我哋自己圍內悼念。」

Joey Tang透露Gary的身後事由其家人安排,紀念冊或找其他音樂人拍攝短片他們會協助,昨晚會開會談論如何安排。亦有很多導演、監製及音響公司主動要求幫手,現在已有人幫手統籌。問到Gary太太心情如何?Patrick說:「我今日都有搵過Gary太太,同佢講今日我哋會上節目,問佢有啲乜嘢想同大家講,但佢話所有嘢都留待Gary嘅安息禮再同大家講。」

其他文章
hd