首頁 即時娛樂

【頭條獨家】家燕姐教面對是非方法 張曦雯唔搞緋聞同男友好開心

08/03/2021 08:08:00
張曦雯對混血兒男友Mark Brunjes一心一意,根本冇留意仲有冇其他追求者。
張曦雯對混血兒男友Mark Brunjes一心一意,根本冇留意仲有冇其他追求者。

薛家燕帶領林盛斌、馮盈盈、區永權、張秀文主持的TVB節目《天天開運王》,幫觀眾及嘉賓趨吉避凶。最搞笑玄學家楊皓雲指張曦雯(Kelly)懵盛盛,通常畀人暗算完,事隔一段日子後才由第三者口中得知,傻人有傻福的Kelly笑說:「呢行有好多是非,惟有當唔知!」採訪:方騫平 攝影:譚壹致

張曦雯只想專心拍劇唔要緋聞。
張曦雯只想專心拍劇唔要緋聞。
楊皓雲及家燕姐教張曦雯點樣去避開是非。
楊皓雲及家燕姐教張曦雯點樣去避開是非。

喺TVB節目《天天開運王》中堪輿學家楊皓雲大讚Kelly下巴厚,會有好多貴人,所以唔使怕是非,在旁作為前輩的家燕姐即提供心得:「是咁的,好多嘢我唔鍾意聽嘅話,我可以當聽唔到,視而不見,聽而不聞!」個個都拍爛手掌,力讚佛系家燕姐道行最高深。

傳王浩信拍《踩過界II》時曾力追Kelly,後者形容兩人只屬正常朋友。
傳王浩信拍《踩過界II》時曾力追Kelly,後者形容兩人只屬正常朋友。
又有傳蔡思貝因為王浩信跟張曦雯反目。
又有傳蔡思貝因為王浩信跟張曦雯反目。

唔使男友送首期
Kelly之前被外間翻炒跟「視帝」王浩信的緋聞,她一口否定傳聞:「我同王浩信有傾偈,但只係朋友嗰啲,正常同事嘅社交,我係一個新演員,拍戲時都會傾吓工作,我男朋友都識佢㗎!」Kelly更向男友大派定心丸:「我同我男朋友咁開心,所以唔會有呢啲諗法,我入咗行咁耐都冇緋聞,我嘅感情好穩定。」

Kelly原先打算購買將軍澳私樓樓花,供父母回港時暫住,也作為投資用途,可惜最後都抽唔到,她無奈說:「香港買樓好難,好多有錢人買樓!」她強調跟男友財政獨立,唔會叫男友送首期:「我哋嘅關係唔係咁,又未結婚,我唔會有呢啲要求。」

張曦雯有逆天長腿。
張曦雯有逆天長腿。
張曦雯擁有33C無敵Body,真係有樣有身材。
張曦雯擁有33C無敵Body,真係有樣有身材。
張曦雯跟男友同住北角半山,居住環境相當舒適,不過今年旺東區,她心思思想搬屋。
張曦雯跟男友同住北角半山,居住環境相當舒適,不過今年旺東區,她心思思想搬屋。
張曦雯拍緊新劇《白色強人2》,新一年仍好受公司重用。
張曦雯拍緊新劇《白色強人2》,新一年仍好受公司重用。
去年《木棘証人》都係張曦雯滿意嘅劇作。
去年《木棘証人》都係張曦雯滿意嘅劇作。
其他文章
hd