首頁 即時娛樂

【頭條獨家】拍檔踢爆「瞞孕」拍《五星II》 沈卓盈佗B開工仆親激嬲老公

08/03/2021 22:30:00
大肚Jess因妊娠反應,令她拍攝《五星級絲打II》時好易攰、飆汗又嘔,搞到卡都冇力打。
大肚Jess因妊娠反應,令她拍攝《五星級絲打II》時好易攰、飆汗又嘔,搞到卡都冇力打。

沈卓盈(Jess)和鄺芷凡(Omi)及新加入的「女神經」梁諾妍(Inez)為香港開電視節目《五星級絲打II》擔任主持。後兩者唔覺意踢爆大肚Jess拍攝時着高踭鞋跑上跑落,仲試過被地毯Kick到雙膝撞落地,嚇到老公喝令佢唔准再出街!講到《五》節目超旺丁,上輯主持倪晨曦和Jess先後大肚,自言隨時「閃生」的Inez即被爆趁機睇酒席,仲睇到流哂口水!撰文、攝影:黎寶倫 化妝:Phoebe [email protected](沈卓盈)、Chris(梁諾妍)髪型:Eas Fu @ AdmiX Hair Styling(沈卓盈)、jackal @HAiR(梁諾妍)服裝:tout a coup(梁諾妍)場地提供:Mini Central

Jess在拍攝期間一直「瞞孕」,有次仲被地毯Kick到雙膝撞落地!
Jess在拍攝期間一直「瞞孕」,有次仲被地毯Kick到雙膝撞落地!
Jess早前於IG晒性感舊照,慶祝與老公杜灝標結婚兩周年紀念。
Jess早前於IG晒性感舊照,慶祝與老公杜灝標結婚兩周年紀念。



36歲的沈卓盈與商人老公杜灝標結婚兩年,今年元旦宣佈造人成功!目前佗B約7個月的Jess早前瞞孕拍《五星級絲打II》,鄺芷凡和梁諾妍大爆:「佢唔想我哋Extra take care佢,驚麻煩到我哋,所以佢冇同我哋講,如果知道就會叫佢小心啲,佢成日着對好高嘅高踭鞋行嚟行去,早幾日膝頭哥仲撞咗落地,瘀晒,好危險!」問老公可有擔心?Jess嬌嗔:「佢聽到都嚇死,叫我唔好岀街,邊度都唔好去,但俾地毯Kick親唔關我事㗎嘛,以後會加倍小心。」

大肚易攰
提到介紹了不少酒店及美酒佳餚,大肚的Jess卻未能盡情享受,Inez笑言生冷及最高級的美食都由她「頂」,Omi補充:「佢食得嘅我哋都畀佢大快朵頤,平時拍嘢只係食兩啖,但今次佢食晒,食飽就瞓,令我哋都好懷疑佢大肚。」Jess坦言因妊娠反應,令她拍攝時好易攰、飆汗又嘔,搞到卡都冇力打,「嗰時好餓,但又諗唔到食乜,好糾結。」向來嗜甜的她更忽然抗拒甜品,轉食Pizza、薯條,令好友陳凱琳猜測今胎是B仔,Jess故作神秘:「我知BB性別,但想畀大家估吓,仔女都冇所謂,最緊要健康。」

佗B升Cup 擁有32C巨咪的Jess相信懷孕後上圍會再度升Cup。
佗B升Cup 擁有32C巨咪的Jess相信懷孕後上圍會再度升Cup。
大肚Jess忽然抗拒食一向至愛的甜品,反而狂食澱粉質。
大肚Jess忽然抗拒食一向至愛的甜品,反而狂食澱粉質。


隨時閃生
對於《五》非常旺丁,問被批奉子成婚的Inez會否是下一個?她即射波:「Omi加油呀!(Omi:佢已經睇晒新房、婚宴場地,仲流哂口水,應該Ready喇!)冇呀!我年紀Ready囉,又唔驚大肚嘅。(期待?)有就嚟㗎喇,話唔定真係閃生。」Jess即笑稱要對親家,那麼跟洪永城幾時結婚?Inez說:「冇特別計劃,我哋都順其自然、玩即興嘅,而家向住呢個方向進發。」

Jess於今年元旦宣佈榮升準媽咪了!
Jess於今年元旦宣佈榮升準媽咪了!
Jess和Omi(右)再為《五星級絲打II》任主持,今次仲有「女神經」Inez(左)加盟,令大家變得好Wild。
Jess和Omi(右)再為《五星級絲打II》任主持,今次仲有「女神經」Inez(左)加盟,令大家變得好Wild。
現懷孕約7個月的Jess早前仍頻頻穿3吋細跟高踭鞋拍外景,睇見都覺得牙煙!
現懷孕約7個月的Jess早前仍頻頻穿3吋細跟高踭鞋拍外景,睇見都覺得牙煙!
節目中嚐盡美酒佳餚,但生冷嘢及酒都冇Jess份,而能吃的都被Off cam後的Jess鯨吞晒。
節目中嚐盡美酒佳餚,但生冷嘢及酒都冇Jess份,而能吃的都被Off cam後的Jess鯨吞晒。
Inez(右)被Omi(中)大爆拍攝酒店特輯時,趁機睇定婚宴場地,仲流晒口水!
Inez(右)被Omi(中)大爆拍攝酒店特輯時,趁機睇定婚宴場地,仲流晒口水!
Inez與洪永城拍拖兩年多感情穩定,後者早前還傳已求婚。
Inez與洪永城拍拖兩年多感情穩定,後者早前還傳已求婚。
Omi於上輯《五》穿比堅尼做Spa,不過今次性感場口欠奉。
Omi於上輯《五》穿比堅尼做Spa,不過今次性感場口欠奉。
Jess日前跟Omi一齊去探望上輯拍檔Elva與兒子Virgil,順道請教湊仔經。
Jess日前跟Omi一齊去探望上輯拍檔Elva與兒子Virgil,順道請教湊仔經。
Jess
Jess
Inez
Inez
Omi
Omi
(左起)Inez、Jess、Omi。
(左起)Inez、Jess、Omi。
其他文章
hd