首頁 即時娛樂

小齊怕太入戲嚇親仔女搬屋 任達華望有大財團收購UA

08/03/2021 19:20:00
華哥和小齊今次合作終於有對手戲。
華哥和小齊今次合作終於有對手戲。

任達華及任賢齊今日出席新片《邊緣行者》開鏡,談到華哥連接3部戲成為「疫巿奇葩」,他笑言:「從小喺片場食叉燒飯大,最緊要日日有飯盒及燒豬食!」他又指片中不乏動作戲,更會走訪香港不同隱世景點,十足旅遊片。今次全男班合作,加上小齊、譚耀文、陳國坤及林曉峰等人均識玩音樂,華哥希望拍完後可組樂隊:「我係樂壇新人,但都可以唱歌跳舞㗎!組合名未諗好,但MV已諗好點拍,哈哈!」

從影多年的華哥坦言想組樂隊同跳唱,出道做樂壇新人。
從影多年的華哥坦言想組樂隊同跳唱,出道做樂壇新人。
小齊為拍戲暫時搬家,避免兇神惡煞嚇親一對仔女。
小齊為拍戲暫時搬家,避免兇神惡煞嚇親一對仔女。

小齊透露今次是首次與華哥有對手戲:「雖然合作過,不過係首次有對手戲,加上同姓三分親,華哥係我嘅『好大佬』!」為了更投入角色,小齊更暫時搬離家中,避免將江湖人物的情緒帶回家:「之前拍《樹大招風》喺屋企都兇神惡煞,所以決定搬出去住,廢事小朋友無端端問功課時會嚇親,我又出戲啦,哈哈!」談到好友台灣歌手陳昇證實患上口腔癌,小齊表示:「我有問候昇哥,希望大家健康平安,佢情況OK,多謝關心!」

二人指同姓三分親,好有親切感。
二人指同姓三分親,好有親切感。
《邊緣行者》今日舉行開鏡儀式。
《邊緣行者》今日舉行開鏡儀式。

談到UA院線結業,華哥坦言不開心,但只能接受及面對現實,「希望疫情盡快好,各行各業重新出發,院線結業對電影打擊唔小,希望有大財團收購啦!」小齊盼望大家做好本份:「疫情對各個行業影響好大,唯有大家努力拍好電影,票房好、巿場好,自然有戲院開返。」

其他文章
hd