首頁 即時娛樂

【頭條獨家】扮MIRROR吸咗好多「鏡粉」 OP以唐奕聰遺作面對逆境

11/03/2021 23:04:00
OP以唐奕聰遺作《明年見》面對逆境。
OP以唐奕聰遺作《明年見》面對逆境。

環球唱片樂隊ONE PROMISE近期兩首大熱作品《懷念晴朗的雨天》及《明年見》都係由已故太極樂隊成員唐奕聰(Gary)監製,對於Gary突然離世,四子難以接受,惟有將傷痛化成動力。之前OP邀請咗MIRROR成員Jer(柳應廷)合作推出《明年見》Duet Version,為面對逆境帶來共鳴,亦能為自己打氣,希望唔好嘅嘢可以快點完結。採訪:方騫平

Sora、文廸、Anton、天衡堅持好兄弟拍住上,唔會因為Anton手指骨枯而有變動。
Sora、文廸、Anton、天衡堅持好兄弟拍住上,唔會因為Anton手指骨枯而有變動。
之前OP幫頭條娛樂Fb專頁開live,Gary以嘉賓身份撐場兼伴奏,更帶笑話飽歷風霜。
之前OP幫頭條娛樂Fb專頁開live,Gary以嘉賓身份撐場兼伴奏,更帶笑話飽歷風霜。

新歌《明年見》除咗係唐奕聰跟ONE PROMISE合作嘅最後作品外,亦因為OP鼓手Anton手指骨枯,寓意他要好好休息,所以對Anton而言,歌詞好到肉,他說:「因為醫生建議休息一年,為怕拖累兄弟曾打算退出,但佢哋全部好支持我,要我留低。」文迪堅持,Anton雖然休息,但OP會繼續做落去。喺疫情下冇得出Show,加上少咗個鼓手,OP喺演出上都會有新玩法,包括會拍多啲網上短片同Fans互動。

OP搵咗MIRROR成員Jer crossover推出《明年見》Duet Version。
OP搵咗MIRROR成員Jer crossover推出《明年見》Duet Version。
自詡OP最醜成員文迪,扮黑面姜B相當搞笑。
自詡OP最醜成員文迪,扮黑面姜B相當搞笑。

多謝Fans高抬貴手

之前OP跟MIRROR「撞封面事件」迴響好大,尤其Anton效發Stanley(邱士縉)露背,文迪扮眼定定嘅姜B等。天衡笑說:「唔係扮,係撞橋,咁啱大家諗緊嘅嘢一樣!」文迪呻好慘:「冇人敢扮姜濤,所以搵隊中最醜樣嗰個扮,你諗吓我幾大壓力!好彩都有人讚我有小小似。其實扮得最差嗰個係我,姜糖評價我面色太黑,顏值差好遠,都多謝佢哋高抬貴手,踩得唔係好應。」因為咁玩嘢,天衡直言多咗MIRROR Fans追蹤OP及留言,產生咗化學作用,都算幾得意。Anton唔怕得罪MIRROR忠粉:「𠵱家啲年青人都講得笑,明知我哋係玩,而且我哋同Ian、AK都合作過,知道大家都講得笑。」

Anton效法Stanley露背,但只得一塊肌肉。
Anton效法Stanley露背,但只得一塊肌肉。
OP難以接受Gary離開,喺社交網發文悼念:「好突然,好心痛,明明前幾日先話一齊跟你學寫歌,明明可以…我好唔想接受呢個事實RIP You will be missed.」
OP難以接受Gary離開,喺社交網發文悼念:「好突然,好心痛,明明前幾日先話一齊跟你學寫歌,明明可以…我好唔想接受呢個事實RIP You will be missed.」
其他文章
hd