首頁 即時娛樂

追憶舊愛相信上天會給更好的 55歲梅小惠仍對結婚有憧憬

13/03/2021 14:10:00
梅小惠只會記得曾偉權的好,並相信會有更好的來,有機會仍想結婚。
梅小惠只會記得曾偉權的好,並相信會有更好的來,有機會仍想結婚。

梅小惠受訪電台節目《舊日的足跡》,自曾志偉重返TVB擔任高層後,有網民選出十大最想見的回巢藝人,小惠名列第8位。被問到志偉有否邀她回巢?她說:「總之大家係好朋友,知道理念係乜嘢,有需要幫手嘅話,一定一呼百應。」
談及舊友,TVB近日深夜重播小惠曾參演的電視劇《他來自江湖》,她的心裏卻感到無奈,說:「我寧願唔重播,我情願要返達哥(吳孟達)!之前,每朝早7點都會收到達哥早晨嘅微信,鬧鐘未響㗎!一年左右大家(訊息)都停咗,最後一次喺舊年10月,之後就冇晒信息,未知係咪因為佢身體唔舒服。」

去年底小惠的舊愛曾偉權離世,她心平氣和回應只會記得對方的好。「 我21歲見到筍嘢(曾偉權)就飛身過去,佢又高大又靚仔,第一日已經想(同佢)結婚,佢冇求過婚,因為我哋已經喺埋一齊。(大家)最後一次見係喺爸爸喪禮,我主動多謝佢……我冇乜嘢,我只會記得佢保護我,佢係好演員曾教導我,又會車出車入,我想食腸仔飽佢又周圍去搵畀我,呢啲就係美好嘅回憶!」

小惠沒回應有否想過跟阮兆祥發展,只澄清對方仍未結婚沒老婆。
小惠沒回應有否想過跟阮兆祥發展,只澄清對方仍未結婚沒老婆。
小惠受訪電台節目。
小惠受訪電台節目。


被問及阮兆祥在她心碎時搬到她家隔離居住,曾否想過跟對方發展?小惠坦言:「大家唔知其實佢(祥仔)當時都失戀,咪一齊相依為命囉!不過佢真係好錫我。佢太太會唔會吃醋?祥仔未結婚㗎!我再次澄清佢係單身嘅,有興趣可以致電營業部徐小姐,哈哈哈!我相信上天會畀一個更好嘅人我!我有機會都想結婚,但係依家已經係家庭主婦,我一個人住都要煮飯洗碗,不過係一個未結婚、就快(4月17日生日)55歲嘅家庭主婦!」

其他文章
hd