首頁 即時娛樂

【頭條獨家】Dry足六年 帶女食Tea勁過電 43歲伍允龍力溝C Cup金融小花

25/03/2021 21:00:00
Philip早前《頭條日報》記者撞破,與年約28歲的金融小花Annissa到銅鑼灣食Tea。
Philip早前《頭條日報》記者撞破,與年約28歲的金融小花Annissa到銅鑼灣食Tea。

現年43歲的「大隻打仔」伍允龍(Philip)自15年跟拍拖8年的鍾嘉欣分手後,先後因拍無線劇與劉佩玥及江嘉敏傳緋聞,可惜兩女最終情歸他處,不過,單身6年的他近日似乎脫單了!早前《頭條日報》記者撞破Philip與年約28歲的金融小花Annissa Choi到銅鑼灣食Tea,席間兩人細聲講大聲笑,男嘅出力狂冧女,有樣有胸嘅女方就心心眼嗒晒糖,大家都好有Feel喎!採訪:梁志明

美國長大的Philip及英語大使Annissa,兩人同樣「鬼」聲「鬼」氣好啱嘴形,在餐廳內Non-stop傾超過一個鐘都冇悶場。
美國長大的Philip及英語大使Annissa,兩人同樣「鬼」聲「鬼」氣好啱嘴形,在餐廳內Non-stop傾超過一個鐘都冇悶場。
Annissa好可愛但身材又好好,屬高質索女。
Annissa好可愛但身材又好好,屬高質索女。

感情一直交白卷的伍允龍終於有着落,當日下午約5時,Philip相約較他年輕近廿年、在金融科技公司任職高級銷售助理的Annissa Choi,到利園COVA撐枱腳。當日Annissa都好戰鬥格,一身Sporty Look的她穿上白色長袖Tee,貼身剪裁令雙峰超「凸」出,目測估計達C Cup。起初Philip充當聆聽者,合埋口耐心聽女方一輪嘴狂講,其間對住靚女心花怒放的他,仲忍唔住一路咪咪嘴笑,酒窩幾乎冇消失過。待對方講飽後,Dry足6年的Philip出盡奶力冧女,其間七情上面、郁晒手地發表偉論,記者隔住塊玻璃都戥佢哋緊張!

Annissa情深望住Philip「演講」!
Annissa情深望住Philip「演講」!
仲聽得好投入又大笑又扮驚訝,好畀面!
仲聽得好投入又大笑又扮驚訝,好畀面!

手仔Touch Touch
而伊人都明顯好受落,一時擘大眼無辜樣托腮,一時又頭側側含情脈脈望實Philip,互相嗒糖;之後Philip再拎出手機,與Annissa頭貼頭一齊睇片,唔知播緊咩咁得意呢?○氹到女方化身人肉Emoji不時驚訝掩嘴兼哈哈大笑,他仲乘機Touch吓Annissa手仔,來個肌膚之親,睇嚟Philip都唔係咁木獨啫!傾咗超過半小時先埋單,Philip隨後Gentleman地陪女方行去南華會,沿途Annissa繼續講,Philip就好避忌,刻意行到離行離罅,還不時望吓途人。將Annissa送到目的地冇耐,Philip一邊行返去地鐵站一邊低頭撳電話,估計都係同女方難離難捨,繼續Message中,恭喜定Philip先。

好耐冇拍拖的Philip開籠雀一樣,對住靚女講到手舞足蹈,面上仲長期掛住粒酒窩,好Enjoy。
好耐冇拍拖的Philip開籠雀一樣,對住靚女講到手舞足蹈,面上仲長期掛住粒酒窩,好Enjoy。
Philip開手機播片畀Annissa睇,兩人即挨近頭貼頭,好親密。
Philip開手機播片畀Annissa睇,兩人即挨近頭貼頭,好親密。
送Annissa去南華會時,Philip繼續施冧功,𠱁到對方彎晒腰喪笑,應該得米了!
送Annissa去南華會時,Philip繼續施冧功,𠱁到對方彎晒腰喪笑,應該得米了!
Philip陪Annissa行到去南華會門口先走人,非常Gentleman。
Philip陪Annissa行到去南華會門口先走人,非常Gentleman。
分開後,Philip即喺街頭Text對方,認真難離難捨。
分開後,Philip即喺街頭Text對方,認真難離難捨。
翻查網上資料,金融小花Annissa Choi年約28歲,畢業於香港大學工商管理學學士(會計及財務),目前於全球最具價值之一的私人持股金融科技企業任職Senior Sales Support Associate。
翻查網上資料,金融小花Annissa Choi年約28歲,畢業於香港大學工商管理學學士(會計及財務),目前於全球最具價值之一的私人持股金融科技企業任職Senior Sales Support Associate。
Annissa過去曾於公關公司做PR,間中也會擔任活動司儀;同時,她是楊鐵樑爵士英語大使計劃的總幹事,難怪英文講到「lark lark」聲!
Annissa過去曾於公關公司做PR,間中也會擔任活動司儀;同時,她是楊鐵樑爵士英語大使計劃的總幹事,難怪英文講到「lark lark」聲!
據其社交網簡介,Annissa又識跳Jazz、Hip Hop及阿根廷探戈,且興趣是畫國畫、刺繡和中國茶道,真係動靜皆宜。
據其社交網簡介,Annissa又識跳Jazz、Hip Hop及阿根廷探戈,且興趣是畫國畫、刺繡和中國茶道,真係動靜皆宜。
其他文章
hd