首頁 即時娛樂

【頭條獨家】《戰毒》囡囡無懼中招健身室打躉 34C陳紫芊唔做花瓶恨演專業人士

16/04/2021 21:00:00
早前爆發「健身群組」,但Elsie一於冇有怕,Gym room一開即約私人教練操Fit Body。
早前爆發「健身群組」,但Elsie一於冇有怕,Gym room一開即約私人教練操Fit Body。

健身室上月獲放寬重開,未料近來卻爆發「健身群組」,令人擔心再掀第五波疫情!不過,擁34C上圍的陳紫芊(前名陳晨,Elsie)一於冇有怕,Gym room一開即約私人教練操Fit Body,對於「中招」,Elsie有自己一套睇法:「有時係整定,你去咗嗰度有就有,冇就冇事㗎啦,冇得擔心咁多。」疫情下Job量大減,事業心重的她認為要時刻裝備自己,保持最佳狀態迎接工作機會;Elsie又盼擺脫「花瓶」形象,有機會多拍劇集、電影及綜藝,讓觀眾發掘她性感以外的一面。撰文:黎寶倫攝影:梁志明場地:Fivez Fitness & Wellness

擁34C巨咪的Elsie時常保持最佳體態,希望把握每個演出機會。
擁34C巨咪的Elsie時常保持最佳體態,希望把握每個演出機會。
熱愛運動的Elsie除了健身外,也會做瑜伽、打羽毛球和Wakesurf。
熱愛運動的Elsie除了健身外,也會做瑜伽、打羽毛球和Wakesurf。


現年26歲的陳紫芊於2017年參選港姐,雖然最終未能入圍,但翌年為無線節目《美女廚房》擔任「美女學徒」而為人熟悉,其後於ViuTV節目《埋嚟睇 埋嚟玩》擔任天氣女郎,又有份參演早前播畢的ViuTV外購劇《戰毒》。本身畢業於美國明尼蘇達大學傳理系、身為學霸的她入行3年多,形象性感,但Elsie自認幕前成績不過不失,希望能捉緊機會一搏,洗脫「花瓶」形象,「好想向觀眾展示自己嘅實力、閃光點,我覺得自己幾有幽默感同綜藝感,如果觀眾睇多啲我嘅節目就會認識到另一面嘅我。」

恨演戲
讀了一年戲劇班的Elsie好鍾意演戲,因覺得演繹一個角色可體驗不同人生,而她最想演的是專業人士,例如律師、醫生等,「細個睇TVB,每次見到唔同專業人士嘅劇,大個都想做呢啲,雖然高難度,但對自己係一個好好嘅挑戰,好似《法證先鋒IV》李施嬅飾演嘅法醫,我覺得好吸引、好想試。(學霸唔怕背台詞?)我背嘢都OK,應該唔怕背台詞。(拍畢《美》TVB有向你招手?)嗰時有經理人公司難啲,而家自由身,有機會都想拍劇或綜藝。」

Elsie指去開的健身中心設有消毒噴霧,讓顧客隨時消毒雙手和器械,十分衛生。
Elsie指去開的健身中心設有消毒噴霧,讓顧客隨時消毒雙手和器械,十分衛生。
勤力的Elsie即使前排冇得去健身室,也自律地在家中拉筋,所以冇抗疫肥仲瘦咗。
勤力的Elsie即使前排冇得去健身室,也自律地在家中拉筋,所以冇抗疫肥仲瘦咗。


遲打針
為上鏡線條靚啲,抗疫期間Elsie都在家中勤力拉筋,健身室重開後也即去做Gym,希望練出腹肌,隨時上陣,「你嘅身材反映到你有幾自律,希望以最好一面展示畀觀眾。」惟近日爆發「健身群組」,難道不怕染疫?她說:「佢哋都戴住口罩,加上一對一,所以同其他人接觸機會低,而嗰啲群組爆發距離我去開嘅健身中心都遠,所以都放心。(考慮打疫苗?)遲早都會打,但唔會近排打囉,要睇定啲先,如果打咗先出得境就會打。」

自言胃細的Elsie 習慣少食多餐,更自爆好揀飲擇食,唔飲純牛奶兼唔食魚蝦蟹、生蠔、龍蝦、象拔蚌。
自言胃細的Elsie 習慣少食多餐,更自爆好揀飲擇食,唔飲純牛奶兼唔食魚蝦蟹、生蠔、龍蝦、象拔蚌。
幕前常以性感打扮示人的Elsie,不時於社交網貼噴血泳衣照,大派福利。
幕前常以性感打扮示人的Elsie,不時於社交網貼噴血泳衣照,大派福利。
早前播畢的ViuTV外購劇《戰毒》,Elsie也有份演出,仲同吳卓羲演對手戲。
早前播畢的ViuTV外購劇《戰毒》,Elsie也有份演出,仲同吳卓羲演對手戲。
落選港姐後,Elsie(右)因與無綫小花邱晴、王卓淇等拍節目《美女廚房》而為人熟悉。
落選港姐後,Elsie(右)因與無綫小花邱晴、王卓淇等拍節目《美女廚房》而為人熟悉。
Elsie曾為ViuTV直播節目《埋嚟睇 埋嚟玩》任天氣女郎,令她學識執生。
Elsie曾為ViuTV直播節目《埋嚟睇 埋嚟玩》任天氣女郎,令她學識執生。
最近忙拍YouTube片的Elsie學緊打碟,增值自己。
最近忙拍YouTube片的Elsie學緊打碟,增值自己。
其他文章
hd