首頁 即時娛樂

【液態Body】超強瑜伽功力 高海寧輕鬆扭埋自己冇變樣

28/03/2021 14:51:00
好勁。
好勁。

因為跟張振朗合作的新劇《童時愛上你》延期拍攝,高海寧無啦啦多咗好多時間,就睇咗已故NBA籃球巨星高比拜仁的自傳而深受影響,望秉承對方的「曼巴精神」,最近佢連生活習慣亦改變,每日早睡早起,親自下廚煮足3 餐,又勤做運動減肥,人都變得健康精神而又感覺充實,佢希望可以堅持,唔好俾人睇死只得三分鐘熱度。

好FIT。
好FIT。
WOW,條腰幼到呢。
WOW,條腰幼到呢。


唔係得個講字,高Ling堅持5日冇間斷做運動,日前經專業健身教練從旁指導下挑戰高難度瑜伽動作「瑜伽後彎伸展」,即係傳說中嘅「漫畫腰」挑戰。見佢上半身趴喺地下,大腿放喺椅子上,擺出高難度Z型姿勢,完美展現S身形。跟住又喺IG Po出經過努力健身後嘅成果照,相片嘅佢Pat Pat極翹條纖又幼,粉絲都讚佢身材好好,有人讚梗係唔好畀佢停,最新有一張側身轉動式的瑜伽動作相,可見34歲嘅高Ling身體柔軟度極高,見佢樣都無變做得極從容,真係好厲害。

對於瑜伽佢咁樣講:
「真的很喜歡做瑜珈
一個小時的高度集中
專注每一個呼吸的頻率
專注每一條肌肉的拉伸
專注保持身體的平衡等等
沒有空間去思考任何亂七八糟的東西
將一切煩惱通通拋開
令身心得到片刻的寧靜和放鬆
這種重新愛上自己的感覺,真好」

液態高Ling。
液態高Ling。
身型不得了。
身型不得了。

其他文章
hd