首頁 即時娛樂

【頭條獨家】三人護駕 着娃娃裙掃朱古力餅 余香凝暴肥30磅「巨嬰」Look出巡

08/04/2021 21:30:00
Jennifer日前同老公落銅鑼灣超市買朱古力餅,同行仲有媽咪和細妹Zoe。
Jennifer日前同老公落銅鑼灣超市買朱古力餅,同行仲有媽咪和細妹Zoe。

去年11月,27歲的余香凝(Jennifer)閃嫁40歲有米男友陸政渡(Tim),並於聖誕節公佈佗B喜訊,預產期為夏天。由於醫生指胎兒偏細,Jennifer為谷「大肥B」開始密密食增肥,話咁快體重暴升30磅,婚戒戴唔上之餘,連着鞋着襪都要老公幫忙!早前,《頭條日報》記者就見到Jennifer同老公落銅鑼灣超市買朱古力餅,同行仲有媽咪和細妹余潔滢(Zoe),身高174cm、懷孕7個月的Jennifer當日穿上超迷你娃娃大肚裙,十足「巨嬰」一樣!採訪:梁志明

余媽媽陪Jennifer揀甜品,最終買了抹茶味和榛子鮮奶油味的朱古力威化各一盒。
余媽媽陪Jennifer揀甜品,最終買了抹茶味和榛子鮮奶油味的朱古力威化各一盒。
身高174cm、穿娃娃裝的Jennifer拎住袋朱古力威化,企喺超市門外同家人邊吹水邊等老公。
身高174cm、穿娃娃裝的Jennifer拎住袋朱古力威化,企喺超市門外同家人邊吹水邊等老公。


自嘲「養胎如養豬」一樣不停食的余香凝,於日前傍晚6時許,與老公、媽咪和細妹現身時代廣場Citysuper買嘢食,繼續食飽啲儲肥自己同BB。兩母女在Royce專櫃揀完一輪後,最終買了一盒抹茶味朱古力威化及一盒榛子鮮奶油味朱古力威化,合共210蚊。可能見超市內人多擠迫,所以Tim一支公入超市買埋其他餸及日常用品,而Jennifer就企喺店外,跟媽咪、妹妹余潔滢一邊吹水一邊等老公,傾傾吓余媽媽仲忍唔住摸吓囡囡個「巨肚」。等了20分鐘,買齊嘢的Tim便拎住膠袋和太太的手袋,率領3位女士步行到登龍街金朝陽中心二期食晚飯。

同囡囡傾傾吓,余媽媽忍唔住摸吓Jennifer個「巨肚」,恨抱孫恨到流晒口水喎。
同囡囡傾傾吓,余媽媽忍唔住摸吓Jennifer個「巨肚」,恨抱孫恨到流晒口水喎。
買完嘢食,Tim便帶3位女士步行到金朝陽中心二期食晚飯,沿途仲幫太太拎手袋。
買完嘢食,Tim便帶3位女士步行到金朝陽中心二期食晚飯,沿途仲幫太太拎手袋。


裙仔短短險走光
為免沿途俾人撞親大肚愛妻,Tim和姨仔Zoe分別前後夾住Jennifer,余媽媽就負責捉實囡囡手仔行街,十足太后出巡一樣!不過,身高174cm的Jennifer挺住籮咁大的孕肚,仲着條剛剛好遮住Pat pat的淺綠色超迷你娃娃裙,隨風飄起幾乎走光,真係睇見都戥佢「牙煙」,加上懷孕水腫,一雙40吋長腿亦明顯暴脹!擦足兩小時,Tim便拖住老婆去駱克道拎車走人,見其手上抽住袋外賣,估計是準備定半夜餵飽老婆;最後登上7人車,由佗住巨肚嘅Jennifer負責揸車。

腹大便便的Jennifer儼如太后出巡,全程獲媽咪扶實及老公、細妹前後夾住行,避免俾途人撞到。
腹大便便的Jennifer儼如太后出巡,全程獲媽咪扶實及老公、細妹前後夾住行,避免俾途人撞到。
可能驚大肚婆半夜又肚餓,所以Tim於餐廳打包定幾盒嘢返屋企,等Jennifer隨時有得食。
可能驚大肚婆半夜又肚餓,所以Tim於餐廳打包定幾盒嘢返屋企,等Jennifer隨時有得食。
離開時,目前懷孕7個月的Jennifer充當司機載一家人返屋企。
離開時,目前懷孕7個月的Jennifer充當司機載一家人返屋企。
因佗B發胖的Jennifer連咪咪亦明顯升Cup!
因佗B發胖的Jennifer連咪咪亦明顯升Cup!
Jennifer早前於社交網晒「自豪的肥臂」照,當時仍以長裙遮發脹的下身。
Jennifer早前於社交網晒「自豪的肥臂」照,當時仍以長裙遮發脹的下身。
未升呢人妻兼準媽咪前,Jennifer的身材肉肉哋,好均勻。
未升呢人妻兼準媽咪前,Jennifer的身材肉肉哋,好均勻。
Jennifer去年貼出水着照騷腿,卻遭網民以「象腿」作攻擊,但EQ高的她自言不是「火柴人」,也會學識接受自己。
Jennifer去年貼出水着照騷腿,卻遭網民以「象腿」作攻擊,但EQ高的她自言不是「火柴人」,也會學識接受自己。
Jennifer於去年11月下嫁40歲有米男友Tim,並於聖誕節宣佈造人成功。
Jennifer於去年11月下嫁40歲有米男友Tim,並於聖誕節宣佈造人成功。
其他文章
hd