首頁 即時娛樂

【頭條獨家】同黃定謙拍《無限斜棟》成好友 Ian同女友盧慧敏唔介意再合作

08/04/2021 19:45:00
Ian跟黃定謙拍《無限斜棟有限公司》成為好友,他更加唔介意同女友盧慧敏再合作。
Ian跟黃定謙拍《無限斜棟有限公司》成為好友,他更加唔介意同女友盧慧敏再合作。

Ian(陳卓賢)@MIRROR跟女友盧慧敏(Amy)及黃定謙(Himmy)合演新劇《無限斜棟有限公司》,令他們由不認識到成為情侶及好友,劇中他們有不少跟影帝及影后級前輩合作機會,他們都覺得不緊張,因前輩親切又好玩。問到Ian和Amy戀事,Himmy不時出來擋駕相當老友,但Ian和Amy坦言不介意再合作,更想一齊拍續集。撰文:杜淑霞 攝影:張詠森 髮型:Him [email protected] Attic(Amy) 化妝:Jenny Shih(Amy) 服裝:Celine(Amy)、Diesel(Ian)、La esperiencia(Himmy)

Ian跟Amy和Himmy因這次合作《無限斜棟》令感情升溫。
Ian跟Amy和Himmy因這次合作《無限斜棟》令感情升溫。
由於是當日第一檔訪問,Ian未習慣同女友合照,尷尬得可愛。
由於是當日第一檔訪問,Ian未習慣同女友合照,尷尬得可愛。


今次劇集有強勁架士參與不同單元,包括有影帝太保、影后葉童及其他資深前輩,但三個主角完全冇緊張。Ian說:「前輩佢哋對我哋好nice,完全冇前輩架子,我哋食飯坐埋一枱傾偈。」原來連前輩也跟他們玩埋一份,Ian說:「黃光亮前輩飾演嘅『泰哥』,係個好惡嘅江湖中人,佢上嚟(公司)搵我哋,第一次見佢當然好驚啦!我哋斟茶畀佢飲,我哋就手震,佢又跟住我哋震,好開心大家好似一齊玩緊咁。」

Ian跟Amy劇中有感情線,更有咀嘴戲份。
Ian跟Amy劇中有感情線,更有咀嘴戲份。
Ian和Himmy大讚Amy喊戲出色,夠真摰兼每個take都保持水準。
Ian和Himmy大讚Amy喊戲出色,夠真摰兼每個take都保持水準。



雖然Ian同Amy在《男排女將》合作過,但Ian投訴女友對他完全冇印象:「我哋冇講過嘢,佢唔知我喺嗰度𠻹!」Amy狂笑解釋:「因太多人,我做咗『花花』(角色)半個鐘,我只係知講嘅對白,邊個應我唔係好記得,我記得你(Ian)嗰時紅色頭髮!」Ian笑言:「佢話我紅色頭髮,我咁大個仔未染過紅色頭髮!」Ian劇中角色表面玩世不恭,實則是個暖男,好識照顧Amy,問他是否同現實一樣,他望向Himmy,而Himmy竟話自己可以評價,「佢對我好好㗎,買嘢畀我食,買咖啡問我要唔要。(有冇懷疑係『大叔的愛』?)唔使懷疑,已經係啦!(Ian:我鍾意佢個新髮型有安全感)」Amy笑指自己只是第四者。



劇中Amy被Ian和Himmy同時吸引,她覺得鍾意一個人會被跟自己不同優點所吸引,問男友有何跟她不同優點,Ian提水:「我隻眼細囉!」Amy說:「好人囉!」拍拖後兩人首次一齊做宣傳,兩人都話唔尷尬,Ian說:「我哋工作嘅時候,就同事咁樣。」至於再合作都不介意,Amy說:「我哋仲話要開續集。(Ian:我哋三個隨時ready)」

三人劇中有不少輕鬆戲份,Ian爆Himmy經常被他搞到狂笑NG。
三人劇中有不少輕鬆戲份,Ian爆Himmy經常被他搞到狂笑NG。
Ian開心前輩黃光亮配合他提議演出,合作完全冇隔膜。
Ian開心前輩黃光亮配合他提議演出,合作完全冇隔膜。
其他文章
hd