首頁 即時娛樂

【頭條獨家】提議拍劇《姨姨我不想努力了》 小儀奉旨咀晒Edan黃奕晨

08/04/2021 23:00:00
小儀雖然首度跟Edan和Dixon合作,但相處融洽仲話想keep住合作。
小儀雖然首度跟Edan和Dixon合作,但相處融洽仲話想keep住合作。

阮小儀最近拍住Edan(呂爵安)@MIRROR及黃奕晨(Dixon)合作主持ViuTV遊戲節目《考有feel》,遊戲由MIRROR惡鬥ERROR,小儀讚他們玩得夠投入令節目更加精彩。自認是「爵屎」的小儀,對於Edan已獻出熒幕初吻相當不甘,笑言提議ViuTV搵他們三人拍三角戀愛情劇《姨姨我不想努力了》,到時她可名正言順咀晒Edan和Dixon。撰文:杜淑霞 攝影:張詠森 服裝:FILA HONG KONG(小儀)、Izzue(Edan、Dixon)

小儀、Edan和Dixon睇見MIRROR和ERROR玩得咁開心,都忍唔住玩埋一份。
小儀、Edan和Dixon睇見MIRROR和ERROR玩得咁開心,都忍唔住玩埋一份。
小儀和Dixon話姜濤玩得最癲,特別是試食環節,唔使食都食埋。
小儀和Dixon話姜濤玩得最癲,特別是試食環節,唔使食都食埋。



小儀坦承未拍前擔心MIRROR有「偶包」令節目失色,但見到他們投入程度已改觀,已真心成為他們粉絲,不過「爵屎」身份不變,「Anson Lo、姜濤呢啲偶像嚟唔玩㗎喎!?郁啲可能會有人保護㗎喎!?sorry真係冇囉!花姐都叫佢哋去玩,呢樣嘢好好,所以由呢次《考有feel》之後,我對佢哋兩隊係完全改觀,真心成為佢哋fans。」當日小儀剛出post講姜濤,她即場向Edan否認已變心,「好多人問Edan定姜濤?我都係答Edan!」

小儀大讚MIRROR和ERROR玩遊戲雖然出貓,但勝在好有橋。
小儀大讚MIRROR和ERROR玩遊戲雖然出貓,但勝在好有橋。
早前Edan在港版《大叔的愛》跟Anson Lo有不少咀嘴戲份。
早前Edan在港版《大叔的愛》跟Anson Lo有不少咀嘴戲份。



講到早前Edan拍港版《大叔的愛》跟隊友Anson Lo咀嘴,AL指被他奪熒幕初吻不甘心,Edan反擊也不甘心,仲賣口乖指熒幕初吻最想給小儀,小儀嬲豬話,「佢已經錫咗嘛!初吻冇咗就係冇咗啦!」見Dixon都好肉緊打埋大髀一份,小儀問他:「都唔關你事!你有冇呀?(Edan:你個熒幕初吻呢?)」Dixon話未試過,Edan叫他即咀小儀,卻遭小儀投訴:「你亂送我出去㗎咩!?」搞到Edan驚到轉軚,叫Dixon咀自己,勁搞笑!



三人覺得除拍下季《考有feel》外,更可一齊拍劇,小儀即場度埋故仔,「故事照係三角戀,你哋(Edan和Dixon)相愛,我係第三者,我鍾意你(Edan),但𠵱家啲橋,鍾意你唔係要掉走佢(Dixon),係要追到佢,令你傷心,再去○氹番你。」她私心連咀戲都度埋,「我插入成為第三者,同佢哋兩個都咀,佢哋兩個冇得咀。」提議「姨姨我不想努力了」是必然對白,他們即決定用作劇集名,小儀再發揮創意,「首主題曲繼《E先生》後,就係《姨姨連環不想努力事件》,MV又係我同Dixon囉!」小儀更着Edan,「你同花姐sell吓橋,一定要我哋做,其他人做唔到。」

其他文章
hd