首頁 即時娛樂

滄桑笑臉晒父子情 張致恒「露面」賀大仔2歲生日

10/04/2021 13:51:00
Steven為賀囝囝2歲生日,自被追債後首露面,大賣父子情。
Steven為賀囝囝2歲生日,自被追債後首露面,大賣父子情。

張致恒(Steven)早前被Naomi(馮鎵瀠)公開追債,隨即被傳債主臨門,更被發現搬離舊屋,失去聯絡的他被指着草走數。隨著老婆雯雯在社交網發文否認走佬,及情緒不穩連續發文放負後,Steven才更新社交網,發文強調「冇走數冇着草」,並跪求放過老婆及其家人。
自今年2月貼一家四口賀年照後沒再露面的Steven,今日凌晨貼上與大仔天寶的笑臉合照,原來為祝囝囝2歲生日。照片中Steven留有黑白鬚,跟天寶頭貼頭笑不攏嘴,滿臉滄桑卻又滿載慈父的模樣。留言:「我個臭寶終於兩歲啦🤩突然間好感觸,生日我唔喺佢身邊,當我離開屋企之後老婆同我講佢就唔開心咗好耐又唔肯食飯,個心真係好痛,但係冇辦法始終一個家庭要努力先至維繫到,一日一日咁大,佢一個字一個字咁講出嚟,嗰種感動係喺哩(呢)個世界搵唔到嘅,只有做父母先會感受得到,而(依)家我嘅目標只係想盡快還晒啲錢,同埋俾(畀)一個健康又舒服嘅環境佢哋兩個成長,任何人攻擊我嘅說話,我都會當係對我最好嘅強心針!張天寶,爸爸永遠都會咁愛你 生日快樂呀」。

Steven上次見樣已的兩個月前。
Steven上次見樣已的兩個月前。

其他文章
hd