首頁 即時娛樂

【頭條獨家】撇甩黐身保錡約四眼男行街 34E張沛樂貼頭胸壓姣味濃

12/04/2021 21:00:00
沙律日前撇甩黐身男友保錡,約與四眼男去銅鑼灣行街,其間兩人態度親暱。
沙律日前撇甩黐身男友保錡,約與四眼男去銅鑼灣行街,其間兩人態度親暱。

擁34E驕人身材的張沛樂(沙律)是不少巴打心目中的女神,前年跟拍拖3年多的林耀聲分手後,至今年1月才與ViuTV節目《全民造星》出身的ERROR成員吳保錡爆出戀情,雖然當時正印踢爆男方一腳踏兩船,但二人懶理繼續高調放閃,沙律更指停工「自雪」的男友好黐身。日前下午,《頭條日報》記者發現正忙拍新片《#PTGF出租女友》的沙律與四眼男現身銅鑼灣,唔知兩人咩關係,但見女方同男方一齊睇電話畫面時黐到好埋頭貼頭,沙律更施展「胸壓」冧功,唔知爛口保錡睇到啲相會否嬲到爆晒粗呢?採訪:梁志明

沙律與四眼男站在人來人往的百德新街行人路中央搵路,毫無頭緒的她一臉徬徨。
沙律與四眼男站在人來人往的百德新街行人路中央搵路,毫無頭緒的她一臉徬徨。
兩人開頭企到離行離罅,四眼男一度嘗試挨近沙律,可惜見現場人來人往,沙律都好避忌。
兩人開頭企到離行離罅,四眼男一度嘗試挨近沙律,可惜見現場人來人往,沙律都好避忌。

ERROR成員吳保錡早前被連環爆背女友偷食,其後因被網友寸同張沛樂拍拖是「呃蝦條」,隨即令他扯火於直播中狂爆粗鬧網民,搞到形象破晒產,宣佈停工「自雪」力保ERROR兄弟。被男友拖累致形象受損的沙律,好在最近都慢慢接番Job,除了預告今年多拍劇及出寫真集外,早前又為港產片《#PTGF出租女友》開工。日前見到拍完戲收工的沙律撇甩「多了時間陪佢」、「好鍾意黐住佢」的保錡,相約一名年約30到尾的西裝四眼男去銅鑼灣行街。

與保錡蜜運中的沙律與四眼男頭貼頭睇手機。
與保錡蜜運中的沙律與四眼男頭貼頭睇手機。
其間沙律更將上圍壓落對方手臂
其間沙律更將上圍壓落對方手臂

愈哄愈埋
當日下午4時許,身穿黑Tee、黑外套及牛仔褲的沙律孭住個大背囊,企喺人來人往的百德新街行人路中央。未知是否正在搵路呢?她篤完一輪手機再抬頭,一邊𢱑頭一邊四圍張望,同行的四眼男即手指指、講兩句,但沙律就好Cool冇乜反應。之後兩人走入另一條街,初時仍保持距離,見到街上冇乜人即放下戒心,四眼男接過女方的手機,便哄到極埋同沙律一齊研究Mon中嘅嘢,而名花有主的沙律冇縮之餘,仲毫不避忌地主動出擊,將上身再向前傾,與四眼男頭貼頭都不特止,一雙「35E導彈」更順勢壓落對方手臂,直到𥄫到途人經過,沙律先挨番後避嫌。及後,兩人好心急咁步行去皇室堡,原來兩人只係借廁所;如廁後,沙律跟四眼男再行去希慎廣場並搭電梯上樓。

哄埋一輪,見有途人經過眼𥄫𥄫,沙律即提高警覺企番好。
哄埋一輪,見有途人經過眼𥄫𥄫,沙律即提高警覺企番好。
二人心急步行至皇室堡借廁所,隨後便去希慎廣場搭Lift上寫字樓,其實希慎冇廁所咩?
二人心急步行至皇室堡借廁所,隨後便去希慎廣場搭Lift上寫字樓,其實希慎冇廁所咩?
今年1月,沙律與ERROR成員吳保錡爆出戀情。
今年1月,沙律與ERROR成員吳保錡爆出戀情。
被男友拖累致形象受損的沙律,早前終透露今年會多拍劇及出寫真集。
被男友拖累致形象受損的沙律,早前終透露今年會多拍劇及出寫真集。
沙律早前跟鄧月平(中)、郭奕芯(右)為港產片《#PTGF出租女友》進行開鏡儀式。
沙律早前跟鄧月平(中)、郭奕芯(右)為港產片《#PTGF出租女友》進行開鏡儀式。
沙律上圍驕人又唔孤寒,所以深得巴打們歡心。
沙律上圍驕人又唔孤寒,所以深得巴打們歡心。
抗疫肥的沙律於凌晨狂做運動成功減去17磅,回復火辣身材!
抗疫肥的沙律於凌晨狂做運動成功減去17磅,回復火辣身材!
ERROR成員保錡(右)捲入桃色醜聞加上爆粗鬧網友事件,早前他宣佈停工力保組合形象。
ERROR成員保錡(右)捲入桃色醜聞加上爆粗鬧網友事件,早前他宣佈停工力保組合形象。
其他文章
hd