首頁 即時娛樂

晒全家福宣佈B仔出世 Patrick Sir甜爆多謝老婆:你永遠係我可愛嘅女朋友仔

14/04/2021 18:12:00
Patrick Sir與Kimmy的B仔昨日出世喇!
Patrick Sir與Kimmy的B仔昨日出世喇!

TVB節目《東張西望》主持Patrick Sir(林溥來)與太太關宛珊(Kimmy)的B仔昨日(13日)出世,他今日於社交網報喜,並貼上一家三口溫馨合照和餵BB食奶照。Patrick Sir留言,透露囝囝改名為「林若嘉」,英文名是「Preemo」,體重達7磅幾,身長50cm,他續以Preemo第一身寫道:「喊咗幾聲之後,就可以即刻打開雙眼,仲見到爹哋媽咪兩個都眼濕濕咁望住我同叫我個名𠻹。哈哈,我仲聽到幫我出世嘅醫生同各位助產士都話,我個頭好大同埋有好多頭髮,仲話我好大舊𠻹。」

Patrick Sir於社交網貼出一家三口溫馨合照。
Patrick Sir於社交網貼出一家三口溫馨合照。
Patrick Sir囝囝叫林若嘉,體重7磅幾,身長50cm。
Patrick Sir囝囝叫林若嘉,體重7磅幾,身長50cm。


Patrick Sir又感謝上天賜予這份「完美嘅禮物」給他和Kimmy,他說:「我哋會好好愛護佢教導佢,令佢快樂成長,培育佢成為一位有愛心、有責任感、有能力嘅人,長大後好好咁貢獻社會,為世界帶嚟正面嘅改變。老婆,好多謝你,多謝你咁多個月嚟陀住BB仔嘅付出!陪住你生嘅時候,拖住你隻手,頭貼頭,嗰一刻覺得你好靚好偉大,你樂天正面嘅態度令我個心好溫暖。雖然我哋已經做父母,但係喺我心目中,你永遠都係我可愛嘅女朋友仔,對你嘅愛唔會有一絲減退。Will love you and Preemo forever! 」

Patrick Sir都有幫手餵BB食奶奶。
Patrick Sir都有幫手餵BB食奶奶。
Patrick Sir冧爆指,Kimmy永遠都係他「可愛的女朋友仔」。
Patrick Sir冧爆指,Kimmy永遠都係他「可愛的女朋友仔」。

其他文章
hd