首頁 即時娛樂

【話花姐窮】拍內褲廣告要Key隊友Body 姜濤笑言怕嚇走晒啲客

14/04/2021 20:50:00
對於半年狂拍50個廣告,姜B話冇數過同埋好多支票仲未收到。
對於半年狂拍50個廣告,姜B話冇數過同埋好多支票仲未收到。

姜濤及蔡卓妍(阿Sa)晚上出席「HPV健康教育大使發佈會」,姜濤直言與前輩阿Sa合作開心又緊張,開工前一日已幻想過程並笑說:「但其實根本唔使擔心,皆因我哋係分開拍,但我有去探班同影合照,因為出道前、細細個都有聽Twins嘅歌。(買過Twins的碟或睇過演唱會?)其實我由細到大都未睇過演唱會,連小豬羅志祥嘅演唱會都未睇過,因為屋企冇畀錢我睇,零用錢都用嚟買嘢食同買遊戲卡,哈哈!」

姜B最想拍美食廣告,因為可以光明正大狂食。
姜B最想拍美食廣告,因為可以光明正大狂食。


姜濤表示入行後工作忙碌,除了睇過隊友Ian的九展演唱會外,未曾當過紅館騷的觀眾,笑言最想做MIRROR演唱會的觀眾,審視自己的演出,但根本不可能。對於有指他半年狂拍50個廣告,姜濤冇認真數過,但希望客戶繼續找他合作,問到是否豬籠入水?他笑說:「很多支票仍未收到呀,廣告的錢比較遲收到呢!」笑問會否擔心花姐「落格」?他說:「咁又唔會!如果有,花姐就唔會咁窮啦,哈哈!」


姜濤不諱言最想拍美食廣告,可以光明正大狂食,若有錢賺也不介意拍M巾廣告,又謂要與MIRROR隊友合拍。至於內褲廣告呢?姜濤笑說:「Key我個樣便可,身體可以用Stanley或Alton。(為何不現真身?)我驚以後乜廣告都冇呀,嚇走晒啲客,我都有自知之明㗎,哈哈!」

其他文章
hd