首頁 即時娛樂

【駁長啲跑?】隔離期間獲贈兩部跑步機 麥明詩叫吳業坤當舉重托番屋企

15/04/2021 18:00:00
坤哥今日獲好友Louisa送贈跑步機作生日禮物。
坤哥今日獲好友Louisa送贈跑步機作生日禮物。

早前在日本Working Holiday(工作假期)5個月的吳業坤(坤哥)終於回港,目前接受21日酒店隔離中的他,日日於社交網分享隔離生活,除了開Live同網民傾偈,又得閒彈吓結他、錄吓音、晒吓三餐;正努力減肥的坤哥日前還自爆,獲樓下「隔離院友」送上30粒其至愛的燒賣,搞到他食到牙骹軟晒兼要跑番一個鐘消脂!繼周一獲神秘人把跑步機送到酒店給坤哥後,將於周日(18日)31歲生日的他,來到今天隔離第14日,又收到一部跑步機作生日禮物,原來今次送禮的有心人是「十優港姐」麥明詩(Louisa)。

坤哥早前從日本Working Holiday回港,目前正接受21日酒店隔離。
坤哥早前從日本Working Holiday回港,目前正接受21日酒店隔離。
坤哥今日於社交網晒出酒店房中的兩部跑步機的「合照」。
坤哥今日於社交網晒出酒店房中的兩部跑步機的「合照」。

坤哥剛才於社交網晒出兩部跑步機的合照,他寫道:「多謝麥明詩Louisa Mak份生日禮物,令到我最後一個禮拜,既隔離更充實,而家有兩部係(喺)手,可能呢個會係今年最好既(嘅)禮物因為暫時得佢送。(我諗酒店啲人真係當我痴(黐)線,唔夠一日又多一部仲要更加重)。」一眾網民紛紛搞笑建議坤哥:「左右腳分開跑」、「單雙日子間住用」、「一部朝早用,一部下晝用」,更有人問:「係咪可以駁長啲跑遠啲?」、「到底世人認為你有幾需要跑步先會喺隔離期間收到兩部跑步機呢?」而坤哥就向網民呻走嗰日都唔知點拎走,Louisa回覆:「等睇你開live表演跑住步唱歌(搬走嗰時當weight training囉)。」忽然收兩部跑步機,睇嚟大家都覺得坤哥好需要減肥嘞!

其實日前坤哥已表示在隔離期間獲神秘人送跑步機。
其實日前坤哥已表示在隔離期間獲神秘人送跑步機。
日前收到第一部跑步機的坤哥,笑言跑下步轉換心情都好,如今要帶走兩部機,他都好煩惱。
日前收到第一部跑步機的坤哥,笑言跑下步轉換心情都好,如今要帶走兩部機,他都好煩惱。

坤哥昨日自爆於隔離期間,在14日內由74.4kg減到71.7Kg。
坤哥昨日自爆於隔離期間,在14日內由74.4kg減到71.7Kg。
坤哥日前獲樓下「隔離院友」送上30粒其至愛的燒賣!
坤哥日前獲樓下「隔離院友」送上30粒其至愛的燒賣!
食完30粒燒賣,坤哥稱食到牙骹軟兼要跑番一個鐘消脂。
食完30粒燒賣,坤哥稱食到牙骹軟兼要跑番一個鐘消脂。
Louisa(左三)叫坤哥搬走嗰時,托住兩部跑步機當weight training。
Louisa(左三)叫坤哥搬走嗰時,托住兩部跑步機當weight training。
其他文章
hd