首頁 即時娛樂

【頭條獨家】相隔8年主持《日日媽媽聲》 羅敏莊為王祖藍重返娘家

15/04/2021 20:30:00
羅敏莊相隔8年為王祖藍重返娘家主持《日日媽媽聲》。
羅敏莊相隔8年為王祖藍重返娘家主持《日日媽媽聲》。

羅敏莊(Mimi)雖然受疫情影響,登台工作完全停頓,幸好接連有新工作,先有本月16日(周五)再重演的《我們的音樂劇Reimagined》,以及相隔8年再返娘家TVB主持《日日媽媽聲》。熱愛演音樂劇的Mimi坦承參與《我們》高水平的製作是她的榮幸;而她主持《日日》好大原因是王祖藍邀請,當然拍檔是余安安及陳凱琳,以及題材新穎也很重要。撰文:杜淑霞 攝影:譚壹致 髮型:Taylor Wan(Hair Corner) 場地:The AIR(The ONE)

Mimi坦承年紀愈大,對工作心態亦變得輕鬆,不會再急躁。
Mimi坦承年紀愈大,對工作心態亦變得輕鬆,不會再急躁。
Mimi首次跟余安安及陳凱琳合作主持《日日媽媽聲》。
Mimi首次跟余安安及陳凱琳合作主持《日日媽媽聲》。



Mimi在疫情下登台工作全面停頓,「我哋除夕喺契媽黑妺姐屋企食飯,喺度倒數,但係以往我哋呢啲嘢唔會喺屋企做,一定喺個台度做,點解我哋喺屋企做嘅,仲要連續兩年啦!我哋表演人士靠呢啲收入來源係好慘㗎!」不過好彩她仍有電台、電視及音樂劇等工作支持。

Mimi有幸參與《我們的音樂劇Reimagined》,與多位實力演員同台。
Mimi有幸參與《我們的音樂劇Reimagined》,與多位實力演員同台。
Mimi跟王祖藍老友鬼鬼,對方親自邀請當然答應幫手。
Mimi跟王祖藍老友鬼鬼,對方親自邀請當然答應幫手。




講到《我們的音樂劇Reimagined》相隔不足半年便能重演,Mimi相當興奮,「機會好難得,除咗咁多好歌之外,我哋仲要夾小交響樂團,咁勁嘅製作喺香港係少有。能夠做到係你嘅光榮嚟,我上次做完見到好多師姐師妺都話你就好啦!劉雅麗都咁話『好羡慕你呀!』」她直言賺到的不止是薪酬,「上年我有啲歌做唔到音樂總監(高世章)要求,佢提議不如再去學過,我係持續半年都有學唱歌。有啲歌要用高啲音域,我以為做唔到,學咗原來可以做到,今次唔單止係賺到實際薪酬,我係賺到經驗同埋原來我唱到呢啲嘢㗎喎!」



至於重返娘家拍《日日媽媽聲》,Mimi承認王祖藍相邀是很大原因,「一定係因為祖藍啦!佢話有個咁嘅節目,覺得好啱我做,佢話有安安姐同埋Grace(陳凱琳),佢想要一個媽媽,有咁嘅經驗,主持方面一齊做到嘢,好想我係其中一個,我聽完成件事係靚嘅,一嚟有兩個咁靚嘅媽媽喺度,二嚟個題材係有趣,專講媽媽為媽媽發聲,喺TVB都未聽過呢類節目。」

Mimi與陳國邦所生8歲女兒陳禛,平日似朋友一樣相處。
Mimi與陳國邦所生8歲女兒陳禛,平日似朋友一樣相處。
早前在疫情下,Mimi獲ViuTV邀請跟趙學而及駱振偉主持《Chill Club》。
早前在疫情下,Mimi獲ViuTV邀請跟趙學而及駱振偉主持《Chill Club》。
其他文章
hd