首頁 即時娛樂

【頭條獨家】龔柯允童年被約束好憎老竇 李璧琦單親成長仲未原諒父親

15/04/2021 22:17:00
由王炳雄執導、李璧琦、龔柯允及陳友主演嘅電影《等一個擁抱》改編自真人真事,賺人熱淚。
由王炳雄執導、李璧琦、龔柯允及陳友主演嘅電影《等一個擁抱》改編自真人真事,賺人熱淚。

由王炳雄執導、李璧琦(Becky)、龔柯允(Karen)及陳友主演嘅福音電影《等一個擁抱》多度延期下終於在本月15日上映,因為故事改編自真人真事,優先場的觀眾感動到喊晒。於單親家庭成長嘅李璧琦形容片中情節,有啲似人生寫照,所以睇劇本時手都震;至於來自大馬嘅龔柯允細個時同家人關係唔好,跟片中一樣好嬲爸爸。採訪:方騫平 攝影:譚壹致 髮型:Simon @ leighton aveda(李璧琦) 服裝:noveltylane(李璧琦)、Novelty Lane(龔柯允)

《等一個擁抱》好催淚,但係李璧琦及龔柯允人生寫照。
《等一個擁抱》好催淚,但係李璧琦及龔柯允人生寫照。
片中陳友係「變壞」咗嘅父親,現實中就係龔柯允及李璧琦嘅好拍檔。
片中陳友係「變壞」咗嘅父親,現實中就係龔柯允及李璧琦嘅好拍檔。

電影講述陳友年青時因有第三者而拋妻棄女,後來患上腦退化症與女兒重拾父女情懷。雖然有好多內心戲,但導演大讚Becky拿捏得好好,有場話佢喺門口聽到「父親」陳友同「妹妹」龔柯允講故事,Becky真係喊到幾乎崩潰,好入戲。

龔柯允對住曾離家嘅「父親」陳友黑晒面,相反Becky選擇原諒。
龔柯允對住曾離家嘅「父親」陳友黑晒面,相反Becky選擇原諒。
首映禮中,李璧琦、龔柯允大晒好身材。
首映禮中,李璧琦、龔柯允大晒好身材。

代入好多真感情
現實中,Becky爸爸於她十歲時離家,所以睇到劇本時好似講緊自己,甚至知道下句對白係乜,內心變得好激動:「我唔知將來會唔會原諒爸爸,呢個人生故事仲未發生,𠵱家先留白,我好相信每個人內心深處,放咗個記憶盒子,但未必夠膽打開,我相信個天自有安排。」另外,曾參加《全民造星III》嘅馬來西亞歌手龔柯允首次拍香港電影,她緊張到留守喺大澳外景場地10幾日培養情緒,加埋親身經歷,最後都拍出感覺:「因為爸爸管教嚴厲,細個時受到約束,唔准我拍拖同埋結交吸煙講粗口嘅朋友,當時好痛苦,中五過後即離家去吉隆坡讀書,所以我將當年不滿爸爸嘅情緒發洩喺友哥身上,對友哥『倔擂槌』,導演話我最叻係嬲爆爆同埋急住跑!」

年前李璧琦同馬國明拍完《C9特工》後離開TVB,決定外闖發展歌唱事業。
年前李璧琦同馬國明拍完《C9特工》後離開TVB,決定外闖發展歌唱事業。
龔柯允曾參加《全民造星III》,被評唱高音冇感情,反思後決定跟彭秀慧學戲豐富個人情感。
龔柯允曾參加《全民造星III》,被評唱高音冇感情,反思後決定跟彭秀慧學戲豐富個人情感。
龔柯允長大後學會珍惜和家人相處。
龔柯允長大後學會珍惜和家人相處。
其他文章
hd