首頁 即時娛樂

疫情下跟龔柯允走勻全港戲院謝票 李璧琦怕傷感唔敢睇智叔重播劇

17/04/2021 08:00:00
李璧琦和龔柯允昨晚出席電影謝票活動,李璧琦唔敢翻睇劇集《律政強人》重播,怕見戲中智叔會觸景傷情。
李璧琦和龔柯允昨晚出席電影謝票活動,李璧琦唔敢翻睇劇集《律政強人》重播,怕見戲中智叔會觸景傷情。

李璧琦(Becky)和大馬歌手龔柯允(Karen)昨晚出席主演嘅福音電影《等一個擁抱》謝票活動,她們表示差不多走勻全香港戲院謝票,雖未知票房成績,但每次謝票的反應都很好,不少觀眾都指電影非常感人,兩人更笑笑口下承諾,如果票房能衝過一千萬會下廚答謝觀眾,龔柯允稱會煮地道馬來西亞美食,又希望逐一擁抱有份支持的觀眾。

提到無線近日重播劇集《律政強人》去紀念已故好戲王廖啟智,李璧琦於該劇中跟智叔演夫妻,好有發揮,因為戲中她和智叔鬥智鬥力,最後Becky成功離婚獲三千萬美元贍養費。Becky直言不敢看重播,唔想勾起傷心事:「當日收到智叔噩耗好傷心,忍唔住傳訊息去智叔嘅電話度,雖然佢已經睇唔到到我訊息,但我想對佢表達心情。」至於龔柯允亦有感而發,她曾與早前猝逝的港台DJ閆擎一齊學戲,當她收到對方突然離世的消息後,就算做緊直播都忍唔住流淚。對於最近有唔少認識嘅人相繼離開,兩人都表示傷感,寄語大家都要好好珍惜身邊人。

李璧琦和龔柯允喺疫情下走勻港九戲院謝票及宣傳。
李璧琦和龔柯允喺疫情下走勻港九戲院謝票及宣傳。
龔柯允希望票房能衝過一千萬,她會逐一擁抱支持嘅觀眾。
龔柯允希望票房能衝過一千萬,她會逐一擁抱支持嘅觀眾。

李璧琦話每次謝票嘅反應都好好,唔少觀眾都指電影非常感人。
李璧琦話每次謝票嘅反應都好好,唔少觀眾都指電影非常感人。
李璧琦、導演王炳雄、龔柯允等現身謝票活動。
李璧琦、導演王炳雄、龔柯允等現身謝票活動。

李璧琦、龔柯允及戲中爸爸陳友合作愉快。
李璧琦、龔柯允及戲中爸爸陳友合作愉快。
無綫近日重播劇集《律政強人》,智叔跟李璧琦「講數」戲,令觀眾拍爛手掌。
無綫近日重播劇集《律政強人》,智叔跟李璧琦「講數」戲,令觀眾拍爛手掌。
龔柯允與早前猝逝嘅港台DJ閆擎曾一齊學戲。
龔柯允與早前猝逝嘅港台DJ閆擎曾一齊學戲。
來自大馬嘅龔柯允答應,如果票房能突破一千萬,她會煮地道美食嚟答謝觀眾。
來自大馬嘅龔柯允答應,如果票房能突破一千萬,她會煮地道美食嚟答謝觀眾。
其他文章
hd