首頁 即時娛樂

爆黃樹棠早已離婚 兒子黃榮璋:你哋對我好好唔需要內疚

20/04/2021 16:17:00
棠哥本月因肺癌病逝,其兒子章魚今日凌晨在社交網撰文悼念亡父亡母。
棠哥本月因肺癌病逝,其兒子章魚今日凌晨在社交網撰文悼念亡父亡母。

資深藝人「求叔」黃樹棠(棠哥)本月因肺癌病逝,享年77歲,並將於下月5日假世界殯儀館設靈,當晚8至9點安排公祭,讓大家送棠哥最後一程。其任職配音的兒子黃榮璋(章魚)今日凌晨在社交網撰文,透過一字一淚抒發掛念亡父亡母及親恩之情,他寫道:「唔知點解對眼好似閂唔到個水喉,我好似一路記番起晒以前好開心嘅記憶,佢哋由細開始就好錫我,阿媽唯一一次揸住衣架想打我,追追吓都會變成一齊大笑,好開心咁冇咗件事,阿爸係一個武功高強嘅人,佢實打過我?對唔住,係無!佢兩個錫到我燶……而家兩個都唔喺度喇!媽媽嘅事好不容易先可以放下……佢哋不約而同地喺走前都有提及離婚嘅事,對我嘅影響係最大,有點點對我抱歉……」

章魚透露父母早年離婚,令他有一個不一樣的童年。
章魚透露父母早年離婚,令他有一個不一樣的童年。
不過章魚安慰父母不需內疚。
不過章魚安慰父母不需內疚。


早年,棠哥與胡桂蘭結婚並誕下兒子章魚,2005年胡桂蘭因癌病離世,棠哥一直沒提及離婚消息,直至他離世後,章魚才首次談及父母早已離婚,令他有一個不一樣的童年,不過跟父親感情深厚的章魚留言,安慰父母不需內疚,他續道:「我而家想同你哋講,你哋對我好好唔需要內疚,我一樣都係幸福的!你哋兩個都係我最重要嘅人!教識我好多做人嘅道理。近呢十幾年我都同我爸相依為命,似兩兄弟多過父子,你冇錢有我頂住,我冇錢有你頂住,出生入死,雖然拗撬一定有,但係父子冇隔夜仇。」章魚又引用父親近年每日都會講的一句「簡簡單單又一餐」,表示永遠都會銘記於心,認為人唔需要貪心,要知足。最後,他說:「我好掛住你呀!爸爸!」

自幼跟棠哥相依為命的章魚,指二人似兩兄弟多過父子。
自幼跟棠哥相依為命的章魚,指二人似兩兄弟多過父子。
章魚直言好掛住爸爸。
章魚直言好掛住爸爸。

其他文章
hd